Ի վերջո, ժամանակը միշտ տալիս է իր գնահատականը՝ և՛ իշխանություններին, և՛ նրանց գործողություններին

Խորհրդարանի «Հայաստան» խմբակցության պատգամավոր Մհեր Մելքոնյանը ֆեյսբուքյան էջում նկատում է. «Շաբաթ օրը Փաշինյանն իր քաղաքական խմբակով այցելել էր Շիրակի մարզ։ Անկեղծ ասած՝ նրա հերթական ցուցադրական ու անլուրջ ճամփորդություններին անդրադառնալն անգամ առանձնապես ցանկություն չի առաջացնում։ Վերջին տարիներին արդեն սովորական է դարձել, երբ իրական խնդիրներով ծանրաբեռնված մարզեր այցելությունները վերածվում են նախապես բեմադրված ներկայացումների, որտեղ ամեն ինչ արվում է միայն գեղեցիկ պատրանք ստեղծելու համար։