Ի՞նչ է նշանակում Գյումրի–2 և ինչո՞ւ է դա անհանգստացնում իշխանությանը. Անդրանիկ Թևանյան

«Մայր Հայաստան» կուսակցության նախագահ Անդրանիկ Թևանյանը նկատում է.
«Երբ սրանք, ըստ Ֆրեյդի, անհանգստանում են Գյումրիի սցենարի կրկնությունից, առաջին հերթին նկատի ունեն հանրային ակտիվությունը, այսինքն՝ ընտրական մասնակցության բարձր թիվը։

Իշխանությունը Գյումրիում անխնա օգտագործեց վարչական ռեսուրսը, բայց բարձր մասնակցությունը չեզոքացրեց վարչական ռեսուրսին, քանզի վերջինս անսահմանափակ չէ։ Որպեսզի այն անսահմանափակ դառնա, արդեն պետք է գործի դրվեն գռեհիկ ու կոպիտ ապօրինությունները, ինչն ընտրական գործընթացը կվերածի լրիվ այլ զարգացումների, որոնց մեղավորն ու պատասխանատուն իշխանությունը կլինի։

Քաղաքացին պետք է որոշի, թե ով է լինելու հաջորդ իշխանությունը։ Ու կորոշի։ Իշխանությունը այդ որոշումից է վախենում»։