Իշխանական ագիտպրոպը Երեկ խոսում էր «արտաշատցի խանութպանին Չծեծելու» ու «ժողովրդավարության» մասին. Վարազդատ Հարությունյան

Փաստաբան Վարազդատ Հարությունյանը գրում է.

«Երեկ ամբողջ իշխանական ագիտպրոպը խոսում էր «արտաշատցի խանութպանին Չծեծելու» ու «ժողովրդավարության» ու նմանատիպ պուպուշ բաների մասին:

Այդ առթիվ ուզում եմ հիշեցնել, որ ընդամենը մեկ ամսից կլրանա ավտոբուսում քպ-ական պատգամավոր Հակոբ Ասլանյանին քննադատության ենթարկած և նույն գիշերը ոստիկանության հսկողության ներքո դաժան խոշտանգման ենթարկված Սամվել Վարդանյանի իրավունքների խախտման երկրորդ տարին:

Սամվել Վարդանյանին քննչական կոմիտեի Երևան քաղաքի վարչությունից ձերբակալվածների պահման վայր տանելու ճանապարհին մեքենայից իջեցրել են ամայի վայրում, դաժան ծեծի ենթարկել ու այդ վիճակով տարել ՁՊՎ: Խոշտանգման ու մարմնական վնասվածքների փաստն արձանագրվել է օբյեկտիվ ապացույցներով: Դեպքին իրենց զեկույցներում անդրադարձել է Human rights watch-ը (https://www.hrw.org/world.../2025/country-chapters/armenia) ու նույնիսկ ՀՀ ՄԻՊ-ը:

Երկու տարի քննության արդյուքնում որևէ մեղադրյալ չկա, իսկ Սամվել Վարդանյանին ուղեկցող 2 ոստիկանները դեպքից կարճ ժամանակ անց պաշտոնեական առաջխաղացում են ունեցել: