Reuters. Դուբայում, Դոհայում և Բահրեյնում արդեն երկրորդ օրն է՝ պայթյուններ են որոտում

Կիրակի՝ երկրորդ օրն անընդմեջ, Դուբայի տարածքում և Կատարի մայրաքաղաք Դոհայում մի քանի ուժգին պայթյուն է որոտացել, հայտնում է Reuters-ը՝ վկայակոչելով ականատեսներին։ Սա տեղի է ունեցել այն բանից հետո, երբ Իրանը պատասխան հարվածներ է հասցրել Պարսից ծոցի հարևան երկրներին՝ ի պատասխան Իսլամական Հանրապետության թիրախներին ԱՄՆ-ի և Իսրայելի հարվածների։

Բահրեյնի ներքին գործերի նախարարությունը կիրակի առավոտյան հայտնել է, որ գործարկվել են տագնապի ազդանշանները։

«Քաղաքացիներին հորդորում ենք պահպանել հանգստություն և պատսպարվել մոտակա անվտանգ վայրերում», - ասված է նախարարության հաղորդագրության մեջ։

Իսրայելը փետրվարի 28-ի առավոտյան հարվածել է Իրանին։ ԱՄՆ նախագահ Դոնալդ Թրամփն էլ հայտարարել է Իրանի դեմ ռազմական գործողություն սկսելու մասին։ Թիրախավորվել են Իրանի արևմուտքում գտնվող ռազմական օբյեկտները, երկրի գերագույն առաջնորդ այաթոլա Ալի Խամենեիի նստավայրը, ինչպես նաև Մինաբ քաղաքի տարրական դպրոցը։

Ի պատասխան՝ Իրանը հրթիռային հարվածներ է հասցրել Իսրայելին և տարածաշրջանում ԱՄՆ ռազմաբազաներին։
Աղբյուր՝ News.am