Կարևոր է ստեղծել պատշաճ պայմաններ մարզիկների համար և նրանց առջև դնել նոր, ավելի բարձր պահանջներ. Գագիկ Ծառուկյան

ՀԱՕԿ նախագահ Գագիկ Ծառուկյանը ֆեյսբուքյան էջում զետեղել է տեսանյութ և նշել, որ հանդիպում է ունեցել Կիոկուշին կարատեի բացարձակ չեմպիոն, լեգենդար մարտիկ Ֆրանսիսկո Ֆիլիոյի հետ։
«Այցի շրջանակում քննարկել ենք համագործակցության տարբեր ձևաչափեր՝ սկսած մարզիկների փոխայցերից մինչև միջազգային մրցաշարերի համատեղ կազմակերպում։
Այս օրերին Ֆրանսիսկո Ֆիլիոն Օլիմպավան մարզահամալիրում անցկացնում է սեմինարներ, որոնց ընթացքում իր հարուստ փորձն ու գիտելիքները փոխանցում է հայ մարզիկներին։
Կարևոր է ստեղծել պատշաճ պայմաններ մարզիկների համար և նրանց առջև դնել նոր, ավելի բարձր պահանջներ՝ նպաստելով մրցունակության բարձրացմանն ու մասնագիտական աճի շարունակական զարգացմանը»,-նշել է Գագիկ Ծառուկյանը:
Մանրամասն՝ տեսանյութում, հղումով՝ 
https://www.facebook.com/reel/2104837603640319