Իսրայելը հարված է հասցրել Իրանի նախագահի պալատին և հետախուզական կենտրոնին
Իսրայելը հարված է հասցրել Իրանին։ Այդ մասին հայտնել է Իսրայելի արտաքին գործերի նախարարությունը։
Իսրայելի պաշտպանության նախարարը երկրում արտակարգ դրություն է հայտարարել։
Իսրայելի պաշտպանության նախարարության մամուլի ծառայությունը հայտնել է, որ փոխվել են բնակչության համար նախատեսված ուղեցույցները։ Արգելվել են հավաքները և ձեռնարկությունների աշխատանքը, ինչպես նաև կրթական գործունեությունը։
Կանոնակարգերը ներառում են «կրթական գործունեության, հավաքների և ձեռնարկությունների գործունեության արգելք՝ բացառությամբ կենսական կարևորության ոլորտների հետ կապված ձեռնարկությունները»։
Միևնույն ժամանակ իրանական լրատվամիջոցները հայտնել են, որ Թեհրանում երեք պայթյուն է գրանցվել։ Մասնավորապես, իրանական Fars լրատվական գործակալությունը հայտնել է, որ իսրայելական մի քանի հրթիռ ընկել է Իրանի մայրաքաղաքի վրա։
Ըստ տեղեկությունների՝ Իսրայելը հարված է հասցրել Իրանի նախագահի պալատին և հետախուզական կենտրոնին։
Նաև Իսրայելական հարվածների թիրախում է եղել Ալի Խամենեի նստավայրը։
Իրանի գերագույն առաջնորդը, Reuters-ի տեղեկություններով, Թեհրանում չէ և տեղափոխվել է անվտանգ վայր։
Իրանի Ղոմ և Սպահան քաղաքներում ևս պայթյուններ են գրանցվել։
Հետևեք մեզ Facebook-ում