Վրաստանի վարչապետ Կոբախիձեն շնորհավորեց Իվանիշվիլու 70-ամյակը՝ նշելով, որ նրա ջանքերի արդյունքում երկիրը փրկվեց մեծ չարիքից

Վրաստանի ներկայիս վարչապետ Իրակլի Կոբախիձեն երեկ ելույթվ հանդես եկավ, շնորհավորելով Իվանիշվիլիի 70-ամյակը, և, որի առթիվ, ներկայացրեց, թե ինչ հաջողությունների հասավ իրենց երկիրը այս վերջին 13 տարիների ընթացքում:

Մեզ համար էլ է դա կարևոր հասկանալ, քանի որ այն, ինչ կատարվեց 2012-ին Վրաստանում, մեզ մոտ սպասվում է այս տարվա հունիսին:

Եվ այսպես, փորձենք հասկանալ, թե ինչ պոտենցիալ հաջողությունների կարող է հասնել Հայաստանը, այս տարվանից սկսած:

Սակայն դրա մոդելավորման համար արժե վերհիշել, թե ինչի հասան վրացիները վերջին 13 տարիների ընթացքում:

Այն, որ վերջին չորս տարիների ընթացքում Վրաստանը պահպանել է խաղաղությունը, շարունակել է արագ տնտեսական աճը և հիմնարար կերպով ամրապնդել իր անկախությունն ու ինքնիշխանությունը՝ շնորհիվ Բիձինա Իվանիշվիլու է,  հայտարարել է  Վրաստանի վարչապետը։

Կոբախիձեն նշեց, թե 2011-ին Վրաստանում, գրեթե ոչ ոք չէր հավատում, որ հնարավոր կլինի Սաակաշվիլու իշխանությունը փոխել:

Այն ժամանակ Վրաստանում տիրում էր հոռոտեսական մթնոլորտ, նշեց նա:

Իվանիշվիլու դերը մեր երկրի ժամանակակից պատմության մեջ անփոխարինելի է։ Վրաստանի համար բացառիկ դժվարին ժամանակաշրջանում, երբ ոտնահարվում էին ժողովրդավարությունը, օրենքի գերակայությունը, մարդու արժանապատվությունը, բիզնեսի ազատությունը, սեփականության իրավունքը, լրատվամիջոցների ազատությունը և այլ հիմնարար արժեքներ, և երբ արտաքին վերահսկողության տակ գտնվող կառավարությունը մշտական ​​սպառնալիք էր ներկայացնում երկրի անվտանգությանը, Բիձինա Իվանիշվիլուն հաջողվեց փոխել այդ իրավիճակը։ Վրաստանում հաստատվեցին ժողովրդավարություն և օրենքի գերակայություն, վերականգնվեց բիզնեսի ազատությունը:

 Անկախության վերականգնումից ի վեր, առաջին անգամ իշխանության եկավ մի կառավարություն, որը երկրում պատերազմ չէր տեսել, երկրի տնտեսությունն ու բյուջեն  գրեթե եռապատկվեցին, Վրաստանը վերականգնեց իր անկախությունն ու պետական ​​ինքնիշխանությունը, նշեց Կոբախիձեն։

2012 թվականին, հանցավոր ռեժիմի ներքո, հսկայական անձնական ռիսկի դիմելով, կորցնելու շատ բան ունեցող մարդը շրջադարձային պահ ստեղծեց երկրի կյանքում։ Նա մի կողմ դրեց իր սեփական անվտանգությունն ու բարեկեցությունը և բառացիորեն նվիրվեց Վրաստանը օտարերկրյա գործակալների հանցավոր վերահսկողությունից ազատագրելուն։ Միայն հայրենիքի նկատմամբ խորը սեր ունեցող մարդը կարող էր նման քայլի դիմել, նշեց Վրաստանի վարչապետը։

2011 թվականին ոչ ոք չէր հավատում, որ ժողովրդավարության և օրենքի գերակայության լիակատար ոտնահարման պայմաններում հնարավոր էր ընտրությունների միջոցով փոխել ռեժիմը, նշեց Կոբախիձեն։

Հենց նույն բացառիկ սերը երկրի հանդեպ և իմաստությունը պահանջվեց նրա կողմից, որպեսզի  2022 թվականից հետո Վրաստանը փրկվեր  այն զարգացումներից, որոնք առաջ եկան երկրի համար՝ ռուս-ուկրաինական պատերազմի արդյունքում, նշեց Կոբախիձեն:

Հիշեցնենք, որ 2022-ին, մարտի 21-ին, Վրաստանում ԱՄՆ-ի դեսպան տիկին Քելլի Դեգնան, պահանջեց Իվանիշվիլուց փաստացի երկրորդ ճակատ բացել Ռուսաստանի դեմ՝ դրա դիմաց խոստանալով անձամբ իրեն ահռելի եկամուտներ արևմտյան կենտրոնների կողմից:

Իվանիշվիլին մերժեց այդ պահանջը նշելով, իր համար «սեփական Հայրենիքը չի կարող դառնալ առևտրի առարկա»:

Հենց այդ պատճառով էլ նրա դեմ սկսվեցին դատական գործընթացներ և մասնավորապես  շվեյցարական Credit Suisse բանկի կողմից:

Սակայն նրա փաստաբաններին հաջողվեց հաղթանակ տանել այդ բանկի նկատմամբ, սակայն մինչ այսօր, ավելի քան 800 մլն դոլար Իվանիշվիլին այդ բանկից չի ստացել:

Սա վառ օրինակ է, թե ինչպիսին պիտի լինի մեծահարուստ և միաժամանակ հայրենասեր  գործիչը:

Սա է իրականությունը:

Իսկ թե ինչի հասավ Վրաստանը Իվանիշվիլիի կառավարման արդյունքում, կներկայացնենք մեր հաջորդ հոդվածում:

Արտակ Հակոբյան
Zham.am