Ապահովագրության պատճառով բուժիմնարկներում խառնաշփոթ է, աշխատավարձերն էլ կրճատվել են․ ի՞նչ են մտադիր անել բժիշկները

Հիվանդանոցներում և պոլիկլինիկաներում խառնաշփոթ է․ ապահովագրության պայմանագրերն ու շատ այլ իրավական ակտեր դեռ չկան, բժիշկները չեն հասկանում, ինչ նորմերով առաջնորդվել, «Արմեդ» համակարգը անընդհատ խափանվում է, իսկ դիմելիությունը  նոր ներդրված ապահովագրության շրջանակում ավելացել է, հերթեր են գոյացել։ Պոլիկլինիկայի բժիշկը մեկ օրում ստիպված է ընդունել 40-50 բուժառու, անգամ եղել են դեպքեր, որ այդ թիվը հասել է 80-ի, ինչն ուղղակի ֆիզիկապես անհնար է դարձնում որակով բուժօգնություն տրամադրելը։ Դրա հետ մեկտեղ վերջերս պարզվեց, որ նախարարությունը խիստ նվազեցրել է ապահովագրությունից բժիշկներին տրվող վարձավճարների չափը և նեղ մասնագիտական խորհրդատվությունների գինը։ Այսինքն, բժիշկների ծանրաբեռնվածությունն աճել է, իսկ վարձատրությունը՝ պակասել։ 

Մի խումբ բժիշկներ և ոլորտի փորձագետներ հավաքվել էին նախօրեին քննարկելու համար, թե ինչպես շտկել իրավիճակը։ Որոշեցին հավաքագրել խնդիրները, ու փորձել իրենց ձայնը լսելի դարձնել պատկան մարմիններին։

Հավաքի մասնակիցները անընդհատ շեշտում էին, սա շատ կարևոր ռեֆորմ է, և չի կարելի թույլ տալ որ այն տապալվի։ եթե շատ արագ քայլեր չձեռնարկվի, այն գնալով կհարուցի ոչ միայն բժիշկների, այլև բուժատռուների դժգոհությունը, որոնք առայժմ անորոշության մեջ են, և կարող է ուղղակի փլուզվել։

Մանրամասները՝ տեսանյութում։
Աղբյուր՝ News.am