Կարեն Ավագյանը զայրացրել է Արմեն Սարգսյանին
«Հրապարակ» թերթը գրում է. «ՀՀ նախագահի թեկնածու Արմեն Սարգսյանի և ՀՀԿ-ՀՅԴ խմբակցությունների երեկվա հանդիպումն ընթացել է «ջան-ջիգյար» մթնոլորտում։ Պատգամավորները, հատկապես Շիրակ Թորոսյանը, դիֆերամբներ են ձոնել Սարգսյանին:
Միայն հավերժ երիտասարդ Կարեն Ավագյանն է հարց տվել, որը դուր չի եկել թեկնածուին։ Նա հիշեցրել է «Շանթ»-ին տված հարցազրույցը, որտեղ թեկնածուն, անդրադառնալով ՀՀ նախագահի լիազորություններին, ասել է․ «Հասկանալի է, որ հանրապետության նախագահն իր գործունեության ոլորտում պետք է պահի Սահմանադրության և՛ տառը, և՛ բառը: Սակայն շատ լավ գիտենք, որ նույն տառերով, նույն բառերով կարող ես տարբեր նախադասություններ գրել և տարբեր մտքեր արտահայտել՝ և՛ լավ, և՛ վատ»։ Ապա խնդրել է հստակեցնել, թե ինչ նկատի ուներ Սարգսյանը։
Վերջինս դյուրագրգիռ պատասխանել է, որ ինքը շատ տեղ շատ բան է ասել, որն այս պահին չի հիշում, բայց նշել է․ «Միայն կարող եմ ասել, որ ես աշխատելու եմ Սահմանադրության տառին համապատասխան»։
Բանն այն է, որ ՀՀԿ-ականները համառորեն փորձում են նսեմացնել ապագա նախագահի կշիռը՝ հօգուտ ապագա վարչապետի»։
Առավել մանրամասն՝ «Հրապարակ» թերթի այսօրվա համարում:
Հետևեք մեզ Facebook-ում