ՔՊ-ի ձիերը
Հռոմեացի պատմաբան Սվետոնիուսը պատմում էր, որ Կալիգուլան այնքան շատ էր սիրում իր Ինցիտատ ձիուն, որ նրան Հռոմի Սենատի անդամ է սարքել, նաեւ նրան ամուսնացրել է գեղեցկուհի Պենելոպա ձիու հետ՝ կազմակերպելով ճոխ հարսանիք։
Մեկ այլ վարկածով՝ Կալիգուլան Ինցիտատին ոչ թե սենատոր, այլ կոնսուլ է դարձրել։
Այս ամենին կարելի էր վերաբերվել որպես պատմական անեկդոտի, եթե չլիներ ԱԺ պատգամավորների թեկնածուների ցուցակագրումը ՔՊ վարչության կողմից։ Որն է ցուցակագրման հիմնական սկզբունքը։ Սկզբունքը շատ պարզ է, որն անթաքույց հարցի տեսքով տալիս է ՔՊ այսօրվա Կալիգուլան։
-Դուք պատրա՞ստ եք անվերապահ կերպով պաշտպանել ՔՊ-ի, այսինքն նորօրյա Կալիգուլայի ցանկացած որոշումը։
Եթե պատրաստ են, ապա ներառում են ցուցակում։
Փաստորեն, ձիերի երամակ են հավաքագրում ԱԺ մտցնելու համար։ Իսկ ինչու Կալիգուլան չէր կարող նույն կերպ վարվել, եթե 21-րդ դարում մենք նման օրինակ ունենք։
«Մայր Հայաստան» կուսակցության վարչության անդամ Ստեփան Դանիելյանի ֆեյսբուքյան էջից
Հետևեք մեզ Facebook-ում