Սպասվում են բարդ և աննախադեպ ընտրություններ. Հ. Մարգարյան (Տեսանյութ)

«Հայկական վերածնունդ» կուսակցությունը թեև մինչ այդ հայտարարել էր¸ որ միայնակ է մասնակցելու ԱԺ ընտրություններին¸ այժմ կողմնակից է լայն քաղաքական դաշինքի: Կուսակցությունում ընթանում են բանակցություններ տարբեր քաղաքական ուժերի և անհատների հետ՝ լայն կոնսոլիդացիա կազմելու համար: Այս մասին Zham.am-ի հետ զրույցում ասաց կուսակցության անդամ¸ԱԺ պատգամավոր Հովհաննես Մարգարյանը: Նա չբացառեց ցանկացած կուսակցության հետ համագործակցությունը:

Խոսելով սպասվող ընտրապայքարի մասին¸ նա նշեց¸ որ սպասվում են բարդ և աննախադեպ ընտրություններ՝ հաշվի առնելով ռեյտինգային ցուցակների առկայությունը: Անդրադառնալով ռեյտինգային ցուցակով առաջադրվող ՀՀԿ պատգամավոր Ռոբերտ Սարգյանի և ԴԱՀԿ նախկին պետ Միհրան Պողոսյանի իրենց ընտրատարածքում՝ Ավանում արդեն ձայների հավաքելուն ուղղված քայլերը¸ պատգամավորը նշեց¸ որ տեղյակ չէ¸ բայց անընդունելի համարեց¸ երբ քաղաքական մրցակցությունը վերածվում է քաղաքական պատերազմի:

Մանրամասները՝ Zham.am-ի տեսանյութում: