«Մաթեմ չիմացող մարդկանց պետք է հեռու պահել պետական պաշտոններից»

«Ապրելու երկիր» կուսակցության համահիմնադիր Մեսրոպ Առաքելյանը չի ալարել և դրել-հաշվել է երեկ ԱԺ-ում Փաշինյանի արած հերթական անհեթեթ հայտարարության մեջ նշված թվերը: Առաքելյանը նկատել է. «Փաշինյանը հայտարարում է, որ պարգևավճարներին ուղղվել է վերադարձված թալանի 0,000001%-ը։

Հիմա եկեք հասկանանք. ո՞ր թվի 0,00001%-ն է 3 մլրդ դրամ կազմող պարգևավճարները։

800.000.000.000.000 (800 տրիլիոն) դրամ, որը կազմում է Հայաստանի 280 տարվա բյուջեի չափ գումար։ Ասել եմ ու էլի եմ ասում. մաթեմ չիմացող մարդկանց պետք է հեռու պահել պետական պաշտոններից, շաատ հեռու»։
--
Այսինքն, Փաշինյանը երեկ գործնականում հայտարարել է, թե 800 տրիլիոն դրամի «թալան են վերադարձրել», կամ, մոտ 2,1 տրիլիոն դոլարի: Ու այստեղ հարցեր է, որ ծագում են.
ա) եթե այդքան «թալան են վերադարձրել», հապա ինչո՞ւ են մինչ այժմ հայտարարված թվային տվյալները հարյուրապատիկ համեստ,
բ) ի՞նչ են արել այդ գումարները, և՝
գ) բա 2,1 տրիլիոն դոլար «վերադարձրած» կառավարությունն ինչո՞ւ է ձեռքը պարզած պարտքեր վերցնում, պետության պարտքը կառավարման 8 տարվա ընթացքում ավելացնելով 8 միլիարդ դոլարով: 
Այս ամենը հանգեցնում է անողոք ենթադրության. Փաշինյանը հերթական անգամ «բլթացրել» է: