Խաչատուրյա՛ն, ինչո՞ւ եք շնորհակալություն հայտնում Ալիևին, 5000 զոհերի՞, թե՞ 150 000 հայ մարդու իր հայրենիքից զրկելու և անտուն թողնելու համար. Սաղաթելյան

ՀՅԴ ԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանն անդրադարձել է ՔՊ-ի մոտ «ՀՀ նախագահ» աշխատող, մեռած թագուհու դագաղի մոտ սելֆի անող Վահագն Խաչատուրյանի կողմից այն նվաստացուցիչ ու ազգային արժանապատվությունը վիրավորող պահվածքից, երբ շողոքորթակերպ շնորհակալություն է հայտնել Փաշինյանի գործընկեր, հակահայ, մարդասպան ու ոճրագործ Ալիևին:
Սաղաթելյանը նկատում է. «Հայաստանի Հանրապետության այսպես կոչված նախագահ Վահագն Խաչատուրյանը Դավոսի տնտեսական համաշխարհային ֆորումի ժամանակ, որին մասնակցում էր նաև Ադրբեջանի նախագահը, հատուկ շնորհակալություն է հայտնում Ալիևին քաղաքական կամք դրսևորելու և խաղաղության ձգտելու համար:

Չէի կարող չարձագանքել այս ողորմելի և ստորացուցիչ տեսարանին: Հիմա հարց ունեմ, պարոն Խաչատուրյան, ինչի՞ համար եք շնորհակալություն հայտնում Ալիևին՝ 5000 զոհերի՞, թե՞ 12000 հաշմանդամների համար, ուզում եմ հասկանալ ինչո՞ւ համար եք շնորհակալություն հայտնում՝ Արցախը էթնիկ զտման ենթարկելու, հայաթափելու, թե՞ 150 000 հայ մարդու իր հայրենիքից զրկելու և անտուն թողնելու համար: Լավ ինչի՞  համար եք շնորհակալություն հայտնում, Հայաստանի ինքնիշխան տարածքից շուրջ 200 կմ քառակուսի օկուպացնելու համա՞ր,  լավ ինչքա՞ն կարելի է, ո՞րն է Ձեր՝ Ալիևին ծառայելու մոտիվացիան:

Սիրելի՛ հայրենակիցներ,  այս ամեն ինչը ունի մեկ բացատրություն՝ Հայաստանում գործող ռեժիմը Բաքվի դրածոնա և ամբողջությամբ սպասարկում են Թուրքիայի և Ադրբեջանի շահերը:

Այլ բացատրություն չկա: Հակառակ պարագայում ինչպե՞ս կարելի է բացատրել, ինչու է Հայաստանի գործող ռեժիմը միջազգային տարբեր ամբիոններում, հարթակներում ամբողջ աշխարհին Ալիևին ներկայացնում իբրև խաղասեր, խաղաղությանը ձգտող, հետևաբար Հայաստանին և հայ ժողովրդին ագրեսոր:

Լավ, ինչու է Հայաստանի գործող ռեժիմը շատ ջանասիրաբար լվանում Ալիևի արյունոտ ձեռքերը և ամբողջ աշխարհի առջև լեգիտիմացնում Ադրբեջանի քայլերն ու գործողությունները Հայաստանի, Արցախի հայ ժողովրդի նկատմամբ: Պարզ պատճառով սրանք վաղուց սպասարկում են այդ երկրների շահերը»: