Հռիփսիմե Հունանյանը հրաժարականի դիմում է ներկայացնել ԱԺ Առողջապահության հարցերի մշտական հանձնաժողովի նախագահի պաշտոնից
ՔՊ խմբակցության պատգամավոր Հռիփսիմե Հունանյանը հրաժարական է տվել ԱԺ Առողջապահության հարցերի մշտական հանձնաժողովի նախագահի պաշտոնից։ Այս մասին հաղորդում է Panorama.am-ը:
«Լավագույն առաջնորդությունը սեփական օրինակով առաջնորդությունն է: Առաջնորդվելով այս ուղենիշով` որոշել եմ հրաժարականի դիմում ներկայացնել ԱԺ Առողջապահության հարցերի մշտական հանձնաժողովի նախագահի պաշտոնից:
Միաժամանակ, որոշել եմ ինքնաբացարկ հայտնել առաջիկա խորհրդարանական ընտրություններում «Քաղաքացիկան պայմանագիր» կուսակցության համամասնական ցուցակում ընդգրկվելուց»,- գրել է Հունանյանը։
Նշենք, որ վերջերս Հռիփիմե Հունանյանը քննադատության կենտրոնում էր հայտնվել արած հայտարարության պատճառով։ Նա ԱԺ նիստում ունեցած ելույթում մասնավորապես ասել էր. «Մեր պետությանը միայն զինվորներ պետք չեն, մեր պետությանը նաև պետք են գլուխներ, որոնք կօգնեն պետության տարբեր ճյուղերի զարգացմանը»։
--
Մեր կողմից նկատենք, որ ՔՊ-ական Հռիփսիմե Հունանյանը, ամեն դեպքում, կմնա խորհրդարանի պատմության մեջ, որպես անձ, որ զբաղեցրել է նախարարի կարգավիճակը գերազանցող պաշտոն՝ չունենալով բարձրագույն կրթություն: Առողջապահության և բժշկության բնագավառում դա միանգամից ուշադրություն գրավող պահ է:
Հետևեք մեզ Facebook-ում