ՔՊ-ականները պիտի գերթանկարժեք շորեղեն հագնեն, թե չէ ցնցոտիներով «խաղաղություն» չեն կարող շինել
«Դա այդ մարդկանց աշխատավարձն է, որը տրվում է համարեք՝ կես-կես»,- ԱԺ-ում լրագրողներին ասաց ԱԺ նախագահ Ալեն Սիմոնյանը՝ պատասխանելով կառավարության անդամներին պարգևավճարների մասին հարցին։
Նա նշեց, որ անունը դրվել է պարգևավճար, բայց այդ մարդկանց աշխատավարձն է, որը հավաքվել է ու տրվել տարվա վերջում . «Ասեմ ավելին՝ էլի է տրվելու, գուցե այլ համամասնությամբ։ Դա այդ մարդկանց աշխատավարձն է»։
Ըստ Ա.Սիմոնյանի, այն մարդիկ, որոնք պետք է տատիկ-պապիկների աշխատավարձերը, թոշակները բարձրացնեն, այդ մարդիկ պետք է արհեստավարժ լինեն։
«Այն մարդիկ, որոնք այսօր այդ տատիկ-պապիկների հոսանքի վարձի, որակի, ճանապարհների գործով են զբաղվում, խաղաղություն են բերում, պետության բոլոր ուղղություններով աշխատում են, ամեն Աստծո օր ամեն ինչի մեջ մեղադրվում են, այդ մարդիկ պետք է կարողանան երկիրը ներկայացնել, նորմալ շոր հագնել, կարողանան աշխատանքի գալ։ Վերջիվերջո, իրենք պետք է մրցունակ լինեն, որպեսզի պետական հիմնարկներում աշխատողը չնախընտրի գնալ դրսում, մասնավորի մոտ աշխատի։
Հենց այդ մարդիկ են ուսուցիչների աշխատավարձերը բարձրանում։ Այսօր ուսուցիչներ, զինվորականներ կան, որոնք շատ ավելի շատ են ստանում, քան պատգամավորները, բարձրացրել են տատիկ-պապիկների թոշակները»,- ասաց Սիմոնյանը։
Աղբյուրը` Panorama.am
Հետևեք մեզ Facebook-ում