Փաշինյանին ծառայող «ԱԱԾ»-ն զգուշացրել է Արցախը ներկայացնող ցուցահանդեսի կազմակերպիչներին, վերջիններիս դեռ չեն բանտարկել ու խոշտանգել

«Հրապարակ» օրաթերթը գրում է. «Արցախյան մշակույթի պահպանման կենտրոն» ՀԿ-ն եւ «Մունք» տեխնոդպրոցը կիրակի օրը՝ հունվարի 18-ին, մշակութային մեծ միջոցառում են կազմակերպել Կարեն Դեմիրճյանի անվան մարզահամերգային համալիրում: Եզակի հնարավորություն՝ նույն օրը նույն բեմում տեսնել Արցախի գրեթե բոլոր մշակութային կոլեկտիվներին ու հայաստանյան բազմաթիվ աստղերի: Համալիրի տարածքում նաեւ Արցախը ներկայացնող ցուցահանդես կլինի։ Միջոցառումների շարքի խորագիրն է՝ «Մենք կանք»։ Եվ չնայած այն բացարձակապես մշակութային է, սակայն տեղեկացանք, որ ՀՀ իշխանությունները հերթական անգամ ծառս են եղել՝ իմանալով, որ Արցախի մասին միջոցառում է կազմակերպվել։

Մեզ պատմեցին, որ ԱԱԾ աշխատակիցների միջոցով սուրհանդակներ են ուղարկել կազմակերպիչների մոտ, նախ փորձել են հետ պահել միջոցառում անելու մտքից, երբ մերժում են ստացել, զգուշացրել են, որ հանկարծ այն չվերածվի քաղաքական ակցիայի եւ մեծ հնչեղություն չառաջացնի՝ շարժելով Ալիեւի զայրույթը։
--
Մեր կողմից նկատենք, որ այլևս պաշտոնապես Թուրքիայի կողմից աջակցվող թեկնածու  Փաշինյանի «ԱԱԾ»-ն «մե՜ծ առաջընթաց» է գրանցել. ցուցահանդեսի կազմակերպիչներն ու մասնակիցները դեռևս կալանավորված չեն, խոշտանգումների դեռ չեն ենթարկվել: Չնայած, նրանք երևի դա թողել են ցուցահանդեսից հետո: Ինչպե՞ս կարող է Թուրքիայի կողմից աջակցվող փաշինյանական իշխանության պայմաններում հանդուրժվել, որ Հայաստանում հայերը համարձակվեն հիշել Արցախի մասին: 
Հայ Առաքելական եկեղեցու վրա հարձակված, բարձրաստիճան հոգևորականներին խոշտանգող, զուտ 1 անձի անընկալալի քմահաճույքներն սպասարկող «աած»-ից ցանկացած բան սպասելի է, ի վերջո: