Մայրաքաղաքի դեմ իրականացվող հանցագործություն է, երբ ձյունն էլ չի կարողանում մաքրել օդը (տեսանյութ)
Մայրաքաղաքի դեմ իրականացվող հանցագործություն է, երբ ձյունն էլ չի կարողանում մաքրել օդը։
Երևանում ձյան օրերին էլ օդում փոշու կոնցենտրացիայի ավելցուկ է գրանցվել։
Դա նշանակում է՝ քաղաքը հասցրել են այն վիճակին, որ բնությունը չի կարողանում հակազդել մարդածին աղտոտմանը։
Փաստերը խոսում են ինքնին՝
դեկտեմբեր–հունվար ամիսներին, երբ ձյունը պետք է մաքրեր օդը, Կենտրոնում, Նոր Նորքում, Շենգավիթում, Արաբկիրում՝ փոշին և ազոտի երկօքսիդը շարունակում են գերազանցել թույլատրելի նորմաները։ Փաստորեն՝ Երևանը դարձրել են փակ գազախցիկ և փորձում են համոզել, որ քաղաքը զարգանում է։ Մինչդեռ փոշու մասին չէ խոսքը՝ այլ քիմիական աղտոտման և առողջապահական աղետի, չէ որ մարդիկ ամեն օր շնչում են։
Երբ ձյունն անգամ չի կարողանում մաքրել օդը, իշխանությունը պարտավոր է ոչ թե զեկույցներով լոլոներ կարդալ, այլ՝ պատասխան տալ։
Եվ, ի վերջո՝ օդի նման աղտոտվածությունը պատահական չէ․ այս ամենը տարիներով կուտակված անպատասխանատվության հետևանք է…
«Մայր Հայաստան» դաշինքի անդամ Սոնա Աղեկյանի ֆեյսբուքյան էջից
Հետևեք մեզ Facebook-ում