Ուկրաինական հրթիռակոծությունից հետո ՌԴ Բելգորոդի մարզի ավելի քան 550,000 մարդ մնացել է առանց էլեկտրաէներգիայի

Բելգորոդի մարզում Ուկրաինայի զինված ուժերի (ՈւԶՈւ) հրթիռային հարվածից հետո վեց համայնքներում 556,000 մարդ մնացել է առանց էլեկտրաէներգիայի։ Այդ մասին իր Telegram ալիքում հրապարակված տեսաուղերձում հայտարարել է նահանգապետ Վյաչեսլավ Գլադկովը։

«Ցավոք, այսօրվա առավոտը լավը չէ»,-ասել է Գլադկովը։

Նա նաև հայտնել է, որ ավելի քան 500,000 բաժանորդ զրկվել է ջեռուցումից, իսկ գրեթե 200,000 մարդ մնացել է առանց ջրի։ Նահանգապետի խոսքով՝ բոլոր արտակարգ իրավիճակների խմբերը տեղում են և զբաղվում են գիշերային հրետակոծության հետևանքների վերացմամբ։ Նա հավելել է, որ կոմունալ համակարգերի վերականգնման ժամկետները կգնահատվում են։

Ուկրաինան հարվածել է Բելգորոդի մարզին հունվարի 9-ի գիշերը։ Արդյունքում, մարզում էլեկտրաէներգիայի անջատումներ են առաջացել։ Մասնավորապես, Բելգորոդի բնակիչները մնացել են առանց էլեկտրաէներգիայի։
Աղբյուրը` Panorama.am