Միջերկրական ծովից ցիկլոն է ներթափանցելու. սպասվում են ձյուն և բուք

Հաղորդումներ Աշխարհ Առողջապահություն Քաղաքականություն Տնտեսություն Հասարակություն Ազգային անվտանգություն Իրավունք Հետաքննություն Բանակ Իրավիճակը սահմանին Լեռնային Ղարաբաղ Արտակարգ դրություն Մարզեր Հարձակում Լեռնային Ղարաբաղի վրա Սփյուռք Մշակույթ Սպորտ Տարածաշրջան Միջերկրական ծովից ցիկլոն է ներթափանցելու. սպասվում են ձյուն և բուք Հասարակություն 11:0209 Հնվ, 2026 Միջերկրական ծովից ցիկլոն է ներթափանցելու. սպասվում են ձյուն և բուք Ինչպես և կանխատեսվել էր, արևադարձային տաք օդային հոսանքների ներթափանցմամբ պայմանավորված վերջին երկու օրերին հանրապետության տարածքում գիշերային ժամերին օդի ջերմաստիճանը հունվարի 3-ի համեմատ բարձրացել է 16-20, առանձին հատվածներում՝ 25-30 աստիճանով։

Այս մասին տեղեկացնում են ՀՀ շրջակա միջավայրի նախարարությունից:

Այսպես, հունվարի 3-ի առավոտյան ժամը 8-ի դրությամբ՝

Շիրակում դիտվել է -21․․․ -37, այսօր -2․․․-4 աստիճան ցուրտ,

Լոռիում, համապատասխանաբար, -22․․․-28 աստիճան ցուրտ, այսօր +4․․․+7 աստիճան տաքություն, Տավուշում -10․․․-17 աստիճան ցուրտ, այսօր +4․․․+6 աստիճան տաքություն, Արագածոտնի, Կոտայքի լեռնային գոտում -24․․․-28 աստիճան ցուրտ, այսօր 0․․․-4, Գեղարքունիքում -14․․․-26 աստիճան ցուրտ, այսօր +2․․․+5 աստիճան տաքություն, Արագածոտնի և Կոտայքի նախալեռներում -12․․․-15, այսօր -2․․․-3 աստիճան ցուրտ,

Արարատյան դաշտում -13․․․-18, այսօր -2․․․-4 աստիճան ցուրտ,

Վայոց ձորում -11․․․-16, այսօր 0․․․-2 աստիճան ցուրտ,

Սյունիքի նախալեռներում -10․․․-15 աստիճան ցուրտ, այսօր +8․․․+12 աստիճան տաքություն, Սյունիքի հովիտներում -2․․․-5 աստիճան ցուրտ, այսօր +4․․․+7 աստիճան տաքություն։

Երևանի ցածրադիր գոտում հունվարի 3-ի գիշերը գրանցվել է -16․․․-18, այսօր -2․․․-4 աստիճան ցուրտ։

Հունվարի 9-ի կեսօրից հետո և հունվարի 10-ին Հայաստանը գտնվելու է Միջերկրական ծովից ներթափանցած ցիկլոնի ազդեցության գոտում, առանձին շրջաններում սպասվում է ձյուն, լեռնային առանձին մարզրեում քամու ուժգնացում 17-20մ/վրկ, բուք, ցածր հորիզոնական տեսանելիություն։ Օդի ջերմաստիճանը առաջիկա 5 օրերին էապես չի փոխվի։