Հայ Եկեղեցու պաշտպանները «Իզմիրլյան» ԲԿ-ի բակում շնորհավորել են Միքայել սրբազանի տարեդարձը (տեսանյութ)

Այսօր «Իզմիրլյան» բժշկական կենտրոնի բակում հավաքվել են Հայ առաքելական եկեղեցու մեծ թվով պաշտպաններ, Շիրակի թեմի առաջնորդ Միքայել արքեպիսկոպոս Աջապահյանի աջակիցներ՝ սրբազան հոր տարեդարձը թեկուզ հեռվից շնորհավորելու համար: 
Հիշեցնենք, որ քաղաքական բանտարկյալ Միքայել արքեպիսկոպոս Աջապահյանը հանիրավի դատապարտվել է երկու տարվա ազատազրկման, իբրև թե՝ հեղաշրջման կոչ անելու շինծու մեղադրանքով: Կալանավայրում սրբազանի առողջական վիճակը վատացել է և նա հրատապ վիրահատության կարիք ուներ: Չնայած իշխանությունները որոշակիորեն ձգձգցին բժշկական օգնության տրամադրման հարցը, այդպիսով նաև խոշտանգման ենթարկելով հայ հոգևորականին, բայց ի վերջո, Միքայել արքեպիսկոպոսը վիրահատվեց «Իզմիրլյան» բժշկական կենտրոնում, որտեղ հիմա գտնվում է հետվիրահատական ապաքինման փուլում և բանտապահների հսկողության ներքո: Ռեպրեսիվ իշխանությունները նույնիսկ թույլ չեն տալիս, որ հոգևոր առաջնորդին քահանա այցելի: 

Իսկ այսօր, բժշկական կենտրոնի բակում հավաքվել էին բազմաթիվ մարդիկ՝ քաղաքական, հասարակական դեմքեր, գործիչներ, հոգևորականներ: Ամենից հուզիչը Շիրակի թեմի երիտասարդաց միության պատանիների ու աղջիկների շնորհավորանքն էր: 
Իսկ նախօրեին վիրահատված Միքայել Սրբազանը «Իզմիրլյան» ԲԿ-ի հիվանդասենյակի  պատուհանից ողջունեց և օրհնեց ներկաներին:  

Մանրամասն՝ 168.am-ի տեսանյութում