«Գալիք տարին ծննդյանդ տարեդարձը նշենք չարիքից ազատ և հույսով ու հաղթանակով ապրող մեր համբուրելի երկրում` Հայաստան աշխարհում»
Հայ և քրիստոնյա լինելու համար փաշինյանական եկեղեցահալած իշխանության կողմից հանիրավի բանտարկված Մայր Աթոռի Դիվանապետ Արշակ արքեպիսկոպոս Խաչատրյանը և Տավուշի թեմի նախկին առաջնորդ Բագրատ արքեպիսկոպոս Գալստանյանը բանտից շնորհավորական խոսք են հղել նույնպես կալանավորված, իսկ այժմ «Իզմիրլյան» բժշկական կենտրոնում հետվիրահատական բուժման մեջ գտնվող Շիրակի թեմի առաջնորդ Միքայել արքեպիսկոպոսբ Աջապահյանին՝ տարեդարձի առթիվ:
Բանտից հղած նմակում ասված է.
«Սիրելի Սրբազան եղբայր!
Մեծ սիրով և սրտով շնորհավորում ենք ծննդյանդ տարեդարձը` մաղթելով
կատարյալ առողջություն, անսասան կամք, աննկուն հավատք և ամբողջական Սերը, որը կրում ես քո սրտում եւ որոնցով ապրել ես եւ վկայել ողջ կյանքում։
Մեր միակ մաղթանքն է, որ գալիք տարին ծննդյանդ տարեդարձը նշենք չարիքից ազատ և հույսով ու հաղթանակով ապրող մեր համբուրելի երկրում` Հայաստան աշխարհում:
Ծննդյանդ տարեդարձն այս տարի նշում ես Հայրենիքի և Հավատքի համար, խղճի և ազատության համար, պատվի և մեր երազների համար պայքարի ելած և սակայն կալանավորված կարգավիճակով:
Մեր կալանավորված, բայց ազատ, բանտված, բայց չսահմանափակված, զնդանված, բայց չծնկած պայմաններից մեր սերը, ողջույնը և շնորհավորությունները քեզ` մաղթելով մեր Տիրոջ զորությունը, առաջնորդությունը և օրհնությունը:
Թող մեր Տեր Հիսուս Քրիստոսի շնորհը, Հայր Աստծու Սերը և Սուրբ Հոգու համբույրը լինեն քեզ հետ: Ամեն:
Խցակից` եղբայրական սիրով և աղոթքով
Բագրատ արք. Գալստանյան
Արշակ արք. Խաչատրյան
Հայրենիքի կալանավորներ
27.12.2025.»:
Հետևեք մեզ Facebook-ում