Ինչ լավ բան են արել Կայա Կալլասը, Եվրոպական հանձնաժողովը Հայաստանին. Զախարովա (տեսանյութ)
«Եթե Կայա Կալլասին խնդրենք օգնել և օգնություն ցուցաբերել Մոլդովային, ամեն ինչ շատ վատ կավարտվի։ Անկեղծ ասած, այնպես, ինչպես է այն հիմա ավարտվում, նույնիսկ չգիտեմ՝ ավարտվո՞ւմ է, ցավոք, ինչպես դա տեղի է ունենում Մոլդովայում, երբ մարդիկ միմյանց դեմ են դուրս գալիս, երբ այժմ Մոլդովայում բնակվող քաղաքացիներին միմյանց դեմ են լարում, այնպես էլ սերունդներին են միմյանց դեմ լարում։ Թե ինչպիսի օգնություն կարող է նա տրամադրել, նույնիսկ չեմ կարող պատկերացնել»։ Այդ մասին դեկտեմբերի 25-ին, հայտարարել է Ռուսաստանի ԱԳՆ պաշտոնական ներկայացուցիչը՝ մեկնաբանելով ԵՄ բարձրաստիճան դիվանագետի հայտարարությունը Հայաստանին ընտրություններում օգնելու մասին։
Անհասկանալի է, թե ինչ չափանիշներով է ՀՀ իշխանությունը ընդդիմադիր անձանց անվանում «ռուսական ազդեցության գործակալներ», հայտարարել է Մարիա Զախարովան։
ՌԴ ԱԳՆ խոսնակը պատասխանել է Մոսկվայի դիրքորոշման մասին լրագրողի հարցին՝ հաշվի առնելով այն փաստը, որ Հայաստանում ընդդիմադիր գործիչների և հոգևորականների հետապնդումներն ուղեկցվում են Ռուսաստանի և ռուսական հետախուզական ծառայությունների հետ կապերի մեղադրանքներով։
«Ես հարց ունեմ. ի՞նչ չափանիշներով են նրանք նույնականացվում։ Եթե այդ մարդիկ կողմ են հանդես գալիս երկկողմ հարաբերությունների զարգացմանը, ապա Փաշինյանը նույնպես խոսում է ՌԴ-ի հետ հարաբերությունների զարգացման մասին։ Բայց եթե պարզապես հաշվեհարդար են տեսնում ընդդիմության ներկայացուցիչների հետ Ռուսաստանի «սոուսի» տակ, ապա դա արդեն բարեկամական մոտեցում չէ»,–ասել է նա։
Հետևեք մեզ Facebook-ում