ԱԱԾ–ն եպիսկոպոսներին մեկ սպրինտերով հեռացրեց Մայր Աթոռի տարածքից
Փաշինյանին հավատարմության երդում տված եպիսպոկոսները, որոնք այդպես էլ չհամարձակվեցին առանց անվտանգության մարմինների ուղեկցութան հայտնվել Մայր Աթոռում հավաքված քաղաքացիների մեջ, իրենց հայտարարությունը կարդալուց հետո արագ հեռացան՝ հսկայական թվով ԱԱԾ հատուկջոկատայինների ուղեկցությամբ։ Նրանք բոլոր կողմերից պատ էին կազմել իրար հետևից շարքով գնացող եպիսկոպոսների շուրջ, սակայն կաթողիկոսի աջակիցները մինչև վերջ՝ եպիսկոպոսների մեքենա նստելը գնացին նրանց հետևից՝ ամբողջ ժամանակ գոռալով «հուդաներ», «պղծեր»։
Ուշագրավ է, որ ԱԱԾ–ականները կազմակերպված ձևով բոլոր եպիսկոպոսներին նստեցին հատուկ նրանց համար տարածք բերված մեկ սպրինտեր մեքենա, որով, ենթադրաբար, եպիսկոպոսներին բերել էին Էջմիածին։
Լրագրողներին հարցերը, թե ինչու՞ են բարձրաստիճան հոգևորականները իրավապահների ուղեկցությամբ տեղաշարժվում, ինչի՞ց են վախենում, եպիսկոպոսներն անպատասխան թողեցին։
Եպիսկոպոսներն, ըստ էության, կաթողիկոսի հեռացման պահանջով իրենց հրավիրած ակցիային չմացնակցեցին։ Նրանք ամբողջ ժամանակ փակված էին Սուրբ Գայանե եկեղեցու տարածքներից մեկում և միայն մի քանի րոպեով ԱԱԾ–ականների ուղեկցությամբ գնացին Մայր Աթոռի տարածք՝ իրենց հայտարարությունը կարդալու։
Աղբյուր՝ News.am
Հետևեք մեզ Facebook-ում