Սիրիայում ապակայունացումը կարող է ուղղակիորեն հարվածել Հայաստանին (Տեսանյութ)

Սիրիայում ապակայունացումը կարող է ուղղակիորեն հարվածել Հայաստանին, քանի որ մենք շատ մոտ ենք այս տարածաշրջանին: Այս մասին փետրվարի 19-ին լրագրողների հետ հանդիպման ժամանակ հայտարարել է ՀՅԴ Բյուրոյի անդամ, ՀՅԴ Հայ դատի եւ քաղաքական հարցերի պատասխանատու Կիրո Մանոյանը:

Նա ընդգծել է, որ, հաշվի առնելով այս գործոնը, հայկական կողմը պետք է զգոն լինի եւ ուշադիր հետեւի տարածաշրջանում իրավիճակի զարգացմանը, որպեսզի կարողանա պատշաճ կերպով հակազդել գոյություն ունեցող եւ դեռեւս ձեւավորվող մարտահրավերներին:

Հիշեցնենք, որ հունվարի 21-ին Թուրքիան երկու կողմից սկսել է տանկեր և հատուկ նշանակության ստորաբաժանումներ մտցնել Սիրիայի քրդերի վերահսկած Աֆրինի շրջան։ Առայժմ ցամաքային հիմնական ուժը կազմում են Թուրքիայի վերահսկած զինյալ խմբավորումների ուժերը։

Թուքիայի վարչապետ Բինալի Յըլդըրըմը հայտարարում է, որ գործողությունը լինելու է 4 փուլով, որի վերջնական նպատակը Աֆրինում 30 կմ խորությամբ «անվտանգության գոտու» ձևավոումն է։

Թուրքական պետական «Անադոլու» գործակալության տվյալներով՝ «Ձիթենու ճյուղ» կոչվող ռազմագործողության երկրորդ օրում՝ հունվարի 21-ին, Թուրքիայի զինուժը շարունակում է օդային հարվածներ հասցնել Աֆրինում քրդերի դիրքերին, իսկ արդեն Աֆրինի տարածք ներխուժել են «Սիրիայի ազատ բանակ» կոչվող զինյալ խմբավորման անդամները։

Ռուսներն ու ամերիկացիները դեմ չեն քրդերի ինքնավարությանը, սակայն դրան դեմ է Ասադի ռեժիմը և հատկապես Թուրքիան, հասկանալի պատճառներով: Միաժամանակ , թե Մոսկվան, և թե Վաշինգտոնը ուզում են իրենց հարաբերությունները չփչացնեն Անկարայի հետ, միաժամանակ սիրաշահելով նաև քրդերին:

Մանրամասները՝ Zham.am-ի տեսանյութում: