ՈւՂԻՂ. Չախոյանը հաղորդում է ներկայացնում Տիգրան Ավինյանի դեմ

Հասարակական ակտիվ գործիչ Արթուր Չախոյանն այս պահին գլխավոր դատախազության շենքի մոտ է։ Նա պատրաստվում է հաղորդում ներկայացնել Երևանի քաղաքապետ Տիգրան Ավինյանի կողմից ցուցաբերված անգործության արդյունքում Երևան քաղաքից շուրջ 700 հազար ԱՄՆ դոլարի գույք հափշտակելու վերաբերյալ՝ պաշտոնական սուտ և կեղծ տեղեկատվություն տրամադրելու միջոցով։

Չախոյանն ավելի վաղ հայտարարել է, որ ներկայացնելու է փաստաթղթերով հիմնավորված անհերքելի փաստեր։ Նա համոզված է, եթե «արդարադատությունը» գործի օրենքի պահանջներին համապատասխան, ապա իր հրապարակային հաղորդումից հետո մի խումբ անձինք, այդ թվում՝ Տիգրան Ավինյանը, պետք է ձերբակալվեն։

Նա մանրամասնեց՝ խոսքը վերաբերում է  Նոր Նորքի վարչական շրջանում Բաղյան փողոցի 2/5 հասցեում կատարած ապօրինի շինարարությանն ու համայնքային հողազավթմանը։

Հասարակական ակտիվ գործիչը միացրեց Տիգրան Ավինյանի խոսքի ձայնագրությունը, երբ Երևանի քաղաքապետի պաշտոնը զբաղեցնողը նշում է, երբ այս ինքնակամ շենքի օրինականացման համար սեփականատերը դիմել է 7 անգամ, սակայն քաղաքապետարանը մերժել է օրինականացման հայտը։

Հաջորդ ձայնագրության մեջ Ավինյանը նշում է, որ համայնքային հողի վրա կառուցված ապօրինի շինությունը դիմում է  օրինակացման, քաղաքապետարանը մերժում է այդ օրինականացումը, արդն քաղաքապետարանը միաժամանակ կայացնում է քանդման որոշում, քանի որ դա է արդյունավետ ճանապարհը ապօրինի շինություններից մաքրման համար։

«Տվյալ դեպքում 7 անգամ դիմել են Երևանի քաղաքապետարան օրինականացնելու, քաղաքապետարանը 7 անգամ  մերժել է օրինականացումը, ու քաղաքապետարանը քանդման որոշում չի տվել։ Տիգրան Ավինյանի անգործությունը հենց դրանում է կայանում»,-ասաց Չախոյանը։

Մանրամասները՝ ուղիղ միացմամբ։
Աղբյուրը` Panorama.am