Էսօր էս ինչ օր է՝ տարվա վերջով. պարոն Հովհաննսիյան կարող է Աջափնյակի մետրոյի շինարարությունն էլ ենք սկսել...Ո՞չ, ափսոս. Տիգրան Ավինյան

«Երեկվանից հյուսիսից տարածաշրջան է ներթափանցել քամի, ինչի արդյունքում տեսանելիորեն՝ 181 օդի մոնիթորինգի տվիչը ցույց են տալիս, որ օդի որակի զգալի բարելավում է տեղի ունեցել»,-Երևանի քաղաքապետարանի գործոկարգավարական խորհրդակցության ժամանակ ասաց բնապահպանության վարչության պետի պաշտոնակատար Սիրարփի Հայկազյանը։

Նա նշեց, որ ցուցանիշները համադրելի են ամառվա տվյալների հետ՝ նախորդ օրվա առավոտվա տվյալներով PM 2.5 –ի ցուցանիշը կազմում էր 29-30, իսկ այսօր՝ դեկտեմբերի 15-ին՝ 65.8։  

«Երբ ներկայացնում ենք օդի որակի մասին տեղեկատվություն՝ նշելով որ և մարդածին և բնական ազդեցության հետևանքն է տիրող իրավիճակը, բայց չենք բավարարվում նրանով որ կա ցիկլոն կամ անտիցիկլոն և ավագանու երկու որոշումների մեջ փոփոխություններ ենք ներկայացնելու՝ նվազեցնելու համար աղտոտման մարդածին աղբյուրները»,-ասաց Հայկազյանը՝ և պարզաբանեց, որ դրանցից մեկով լրացուցիչ սահմանափակումներ են կիրառվելու շինհարապարակների նկատմամբ, երկրորդով պարտադիր բարեկարգման նորմերն են Երևանում գործող հանքավայրերի վերաբերյալ։

Նիստը վարող Տիգրան Ավինյանը արձագանքեց Բնապահպանության վարչության պետին և դիմեց համապատասխան ստորաբաժանումների ղեկավարներին։

«Այսինքը, պարոն Խոջոյա՛ն, դուք քաղաքում շինարարությունը չեք կանգնեցրել չէ՞ , պարոն Հարությունյա՛ն, դուք քաղաքում բոլոր ավտոմեքենաների երթևեկությունը չեք արգելել չէ՞։ Պարոն Բեգոյան, դուք շարունակում եք ձեր ծրագրերը և դժվար թե հազարավոր հեկտարներով կանաչապատ նոր տարածք ստեղծած լինեք։ Սիրելի երևանցիներ, իրականում օդի որակի խնդիրը Երևանում մեծապես պայմանավորված է օդի ինվերսիայով, բնակլիմայական պայմաններով և մեր աշխարհագրական դիրքով, բայց մենք ունենք որոշակի լծակներ, թեկուզ շատ փոքր չափով , բայց ազդելու օդի որակի վրա, և այն աշխատանքները որոնք արվում են, կարծում եմ, որ որոշակի ազդեցություն թողնելու են։

 Նա նաև նշեց, որ մեծ ծավալով դիտարկելու են կանաչապատման աշխատանքներ քաղաքից դուրս պայքարելու քամիների դեմ, որոնք աղտոտված օդը բերում են քաղաք։

Քաղաքաշինության և հողի վերահսկողության վարչության պետ Սամվել Ղուկասյանն էլ զեկուցեց խցանումների դեմ տարվող աշխատանքների մասին՝ նշելով, որ «Սահակյան շին» ընկերության կողմից Ծիծեռնակաբերդի հարակից տարածքում ճանապարհի նեղացման հետևանքով խցանումներ էին առաջանում և ներկայում այն վերականգնվել է 90 %-ով, մնացել է 10 մետր, բայց այդ հատվածում էլ երկու մեքենա կարողանում են զուգահեռ անցնել նեղ ճանապարհով։

«Կարելի է ասել, որ 90 %-ով լուծմանը մոտ ենք։ Էսօր էս ինչ օր է՝ տարվա վերջով. պարոն Հովհաննսիյան կարող է Աջափնյակի մետրոյի շինարարությունն էլ ենք սկսել»,-փոխքաղաքապետին դիմեց Տիգրան Ավինյանը,

Փոխքաղաքապետ Լևոն Հովհաննիսյանը  բացասական պատասխան տվեց։

«Ափսոս» արձագանքեց Երևանի քաղաքապետը։

Աղբյուրը` Panorama.am
--
Հետաքրքիր է, թե ո՞ւմ է «տրոլինգ» անում Ավինյանը: Քամին թեթևակի «օդափոխում» է իրականացրել, ՔՊ-ական 9 տոկոսանոց քաղաքապետն ուրախանում և «տրոլինգ» է անում: Իբր, ինչ, էլի: