ՔՊ-ի իշխանության կողմից հալածանքի ենթարկվող Արագածոտնի թեմի առաջնորդ Մկրտիչ սրբազանի հանիրավի կալանքը 2 ամսով երկարաձգվեց

Փաշինյանի իշխանությունը շարունակում է նպատակային հալածանքները Հայ Առաքելական եկեղեցու հոգևորականների դեմ: Բնտարկվում են այն հոգևորականները, որոնք չեն ուրանում իրենց ուխտն ու հավատափոխ չեն լինում, չեն դառնում «նիկոլադավան»: Իսկ Հայ առաքելական եկեղեցին ատող և ոչնչացնելու նպատակ հետապնդող քպ-ական իշխանությունն էլ, կառավարական պատերի տակ «վնգստացող դատավորների»  (Փաշինյանի բնորոշումն է) միջոցով շարունակում է հանիրավի կալանքի տակ պահել բարձրաստիճան հոգևորականներին: 
Ուստի ամենևին զարմանալի չէ, որ Արագածոտնի թեմի առաջնորդ Մկրտիչ սրբազանի կալանքը 2 ամսով երկարաձգվեց։

Հիշեցնենք, որ հոկտեմբերի 15–ին վաղ առավոտից Քննչական կոմիտեն ԱԱԾ-ի ուղեկցությամբ խուզարկություններ է իրականացրել Արագածոտնի թեմի մի շարք հոգևորականների տներում, ինչպես նաև հենց Արագածոտնի թեմի առաջնորդարանում։ 3 անձ՝ այդ թվում թեմի առաջնորդ Մկրտիչ եպիսկոպոս Պռոշյանը, ձերբակալվել են։ Հաջորդ օրը Սրբազանը կալանավորվել էր։

Խուզարկություններն իրականացվել են կարգալույծ եղած քահանա Ստեփան Ասատրյանի՝ Հանրային հեռուստաընկերության եթերում արված հայտարարության հիմքով հարուցված վարույթի շրջանակներում։ Նա ասել էր, որ Արագածոտնի թեմից հրահանգ են տվել հոգևորականներին մասնակցել 2021 թվականի ընդդիմության ակցիաներին։

Հիշեցնենք նաև, որ այս պահի դրությամբ փաշինյանական եկեղեցատյաց իշխանությունը հանիրավի կալանքի տակ է պահում ևս երեք բարձրաստիճան հոգևորականների, այդ թվում՝ Մայր Աթոռի դիվանապետ Արշակ արքեպիսկոպոս Խաչատրյանին, Շիրակի թեմի առաջնորդ Միքայել արքեպիսկոպոս Աջապահյանին, Տավուշի թեմի նախկին առաջնորդ, «Սրբազան շարժման» ղեկավար Բագրատ արքեպիսկոպոս Գալստանյանին:
Կստ որում, Միքայել արքեպիսկոպոս Աջապահյանը ենթարկվում է հավելյալ բանտարկումային խոշտանգման. իշխանությունները նպատակադրված ձգձգում են հարգված սրբազանի՝ անհրաժեշտ բժշկական օգնություն ստանալու իրավունքը: