Երևանի ավագանու նիստում ծեծկռտուքի կապակցությամբ հարուցվել է քրեական գործ

Փետրվարի 13-ին Երևանի քաղաքապետարանի ավագանու նիստում տեղի ունեցածի կապակցությամբ նախապատրաստված նյութերով հարուցվել է քրեական գործ։

Aysor.am-ի տեղեկություններով, քրեական գործ է հարուցվել ՀՀ ՔՕ 118 և 258 հոդվածներով։

Հոդված 118՝ ծեծը. պատժվում է տուգանքով՝ նվազագույն աշխատավարձի առավելագույնը հարյուրապատիկի չափով, կամ ուղղիչ աշխատանքներով՝ առավելագույնը մեկ տարի ժամկետով, կամ կալանքով՝ առավելագույնը երկու ամիս ժամկետով:

Հոդված 258՝ խուլիգանությունը. պատժվում է ուղղիչ աշխատանքներով՝ առավելագույնը վեց ամիս ժամկետով, կամ կալանքով՝ մեկից երեք ամիս ժամկետով, կամ ազատազրկմամբ՝ առավելագույնը երկու տարի ժամկետով: