Ռուսական «Թրամպը» համոզված է, որ հաղթելու է, իսկ կոռուպցիայի դեմ պայքարը սկսելու է Պուտինի ընկերներից. Տեսանյութեր
Ռուսաստանում նախնտրական պայքարը թեժանում է , և ահա Պուտինի գլխավոր մրցակիցը՝ կոմկուսի ներկայացուցիչ մեծահարուստ Պավել Գրուդինինը, արդեն հրապարակավ հայտարարում է, որ կոռուպցիայի դեմ պայքարը պետք է սկսել հենց Պուտինի շրջապատից՝ բերելով Սինգապուրի օրինակը: Ռուսաստանում շատերը սկսել են հասկանալ, որ իշխանությունները կենտրոնացնելով իրենց պայքարը Նավալնիի վրա, ժամանակին չնկատեցին, որ քաղաքական թատերաբեմում իրենց համար ծնվել է ավելի վտանգավոր թեկնածու, ով փորձում է «արդար հարուստի» համբավով գրավել ռուսաստանցիների սիրտը, ինչը ժամանակին իրականացրին Թրամպը՝ ԱՄՆ-ում, Պորոշենկոն՝ Ուկրաինայում, Իվանիշվիլին՝ Վրաստանում և այդպես շարունակ: Դիտորդների կարծիքով, Ռուսաստանում սրընթաց բարձրանում է ռուսական «Թրամպի» վարկանիշը, և ոչ ոք չգիտի թե ինչ վիճակ կլինի մեկ ամիս անց: Մեկ բան բոլորի համար ակնհայտ է, որ իշխանությունը պատրաստ չէ հանձնվել և ամեն ինչ կանի, որ իշխանությունը վերարտադրվի:
Որն՞ է ռուսական ,«Թրամպի» հաջողության գաղտնիքը
Կոմկուսի թեկնածուն իր նախընտրական քարոզարշավը կազմակերպել է մի քանի թեզերի վրա
-ես հարստացել եմ արդար և այդպես էլ վերաբերվում եմ իմ աշխատողներին
-Ես կառուցել եմ օրինակելի տնտեսություն, և նախագահ ընտրվելու դեպքում ողջ Ռուսաստանը կդարձնեմ այդպիսին
-Ռուսաստանը պետք է զարգանա , այսպես կոչված «սկանդինավյան սոցիալիզմի» մոդելի միջոցով
-Կոռուպցիայի դեմ պայքարը պետք է տանել Սինգապուրի օրինակով
և այն պետք է սկսել Պուտինից և նրա ընկերներից
-Ռուսական կոմկուսը չինական կոմկուսի օրինակով երկիրը կտանի դեպի իսկանան զարգացման՝ առանց «քուչի տղաների»
-Արտաքին ոլորտում կվերականգնվի աշխարհում Ռուսաստանի կողմից սոցիալիստական ուժերի պաշտպանության առաքելության գաղափարը:
Ըստ Պավել Գրուդինինի, երկրում մեկ մարդը չպետք է կառավարի 12 տարուց ավելի, որպեսզի «չլճանա»
Ահա սրանք են կոմկուսի թեկնածուի հիմնական թեզերը , որով նա ներկայանում է ընտրողների առջև և, ըստ վերլուծաբանների, կարող է լուրջ հաջողության հասնել: Այլ հարց է, թե ինչքանով նրան կհաջողվի երկրում այնպես փոխել իրավիճակը, որը թույլ չի տա իշխանություններին՝ կեղծել ընտրությունների արդյունքները:
Հակոբ Կարապետյան
Հետևեք մեզ Facebook-ում