«Հնարավորություն տանք աուդիտորական ընկերություններին ավելի ճկուն լինել». Էլինար Վարդանյան

ՀՀ Ազգային ժողովի այսօր մեկնարկած տասնմեկերորդ նստաշրջանի առաջին նիստում «Համախմբում» կուսակցության փոխնախագահ, պատգամավոր Էլինար Վարդանյանն անդրադարձել է  աուդիտորական ընկերությունների մասին օրենքում փոփոխություններին, նշեց, որ անհրաժեշտ է դրանք կատարել այնպես, որ թեթևանա աուդիտորական ընկերությունների աշխատանքը: 

«Գործող կարգավորումներով աուդիտորական ընկերությունները պետք է ունենան հինգ պարտադիր որակավորված աուդիտորներ, մինչդեռ այդպիսի պատվերների սահմանափակ լինելու պատճառով աուդիտորական ընկերությունները լուրջ դժվարությունների առաջ են կանգնել: Մենք առաջարկում ենք կրճատել հինգ աշխատողների քանակը մինչ երկուսը, հնարավորություն տալով աուդիտորական ընկերություններին լինել ավելի ճկուն, որպեսզի իրենք որոշեն թե քանի աշխատող են ընդունում, ելնելով հստակ պատվերներից», - ասաց Էլինար Վարդանյանը, կոչ անելով կողմ քվեարկել օրինագծին:

Հարցը դրվել է քվեարկության և ընդունվել 37 կողմ, 32 դեմ, 2 ձեռնպահ ձայնով։

Սակայն անմիջապես հետո ՀՀ ԱԺ փոխնախագահ Հերմինե Նաղդալյանը հայտարարել է վերաքվերակություն, ինչի արդյունքում հարցը չի ընդունվել՝ 33 կողմ, 52 դեմ 4 ձեռնպահ ձայների հարաբերակցությամբ։

Zham.am