Նիկոլ Փաշինյանին անփառունակ պարտություն է սպասվում․ Երվանդ Բոզոյան

Oragir․News-ի «Օրակարգ» հաղորդաշարի հյուրը քաղաքագետ, «Մայր Հայաստան» կուսակցության վարչության անդամ Երվանդ Բոզոյանն է։

Երվանդ Բոզոյանը կարծում է, որ Նիկոլ Փաշինյանին անփառունակ պարտություն է սպասվում։

«Սկսած 2020-21 թվականներից՝ տեղական գրեթե բոլոր կարևորագույն ընտրություններում իշխանությունը պարտվել է։ Սյունիքի բոլոր քաղաքներում՝ խոշոր քաղաքներում ինքը պարտվեց, Ալավերդիում պարտվեց, բայց կարողացավ կուլիսային խարդախությունների արդյունքում վիժեցնել ընդդիմության հաղթանակը և իր մարդուն նշանակեց, Վանաձորում նույնպես պարտվեց, էլի քրեական գործ բացեց հաղթած թեկնածուի նկատմամբ, իր դրածոjին նշանակեց, Գյումրիում էլի պարտվեց, մենք տեսանք, թե ինչպես պարտվեց, և հիմա փորձում են ինչ-որ բաներ անեն, որպեսզի կարողանան իրենց դրածոին անցկացնել, Փարաքարում պարտվեց, և տեսաք՝ ինչ հետևանք ունեցավ։ Եվ, ըստ էության, Նիկոլ Փաշինյանը բոլոր տեղերում փաստացի պարտվել է, ինչը ցույց է տալիս, որ 2026 թվականին իրեն սպասում է անփառունակ պարտություն»,-ասաց նա՝ ուշադրություն հրավիրելով այն բանին, որ ՔՊ-ի ներսում կան խուճապային տրամադրություններ, որոնք ցրելու համար Փաշինյանին պետք է ամեն գնով հաղթել Վաղարշապատի ընտրություններում։

Նա նկատեց նաև, որ «Մայր Հայաստան»-ը խառնել է Նիկոլ Փաշինյանի խաղքարտերը։

Առավել մանրամասն՝ հարցազրույցում: