Ով այնպիսի սուտ ասի, որ ասեմ՝ «սո՛ւտ է», վարչապետության կեսը կտամ նրան

Հովհաննավանքում հոկտեմբերի 26-ին կարգալույծ քահանայի կողմից մատուցված կեղծ պատարագի ժամանակ «իրավունք չունեք պատարագ անել» գոռացուղ քաղաքացուն՝ Հայկ Դորունցին, անվտանգության աշխատակիցները ուժով դուրս են  հանել՝ ապահովելու հենց քաղաքացու անվտանգությունը։ Անվանգության աշխատակիցների քայլն այսպես բացատրեց Նիկոլ Փաշինյանը, ով նույնպես ներկա էր այդ կեղծ պատարագին։

«Պետական պահպանության ծառայությունից բացատրություններ եմ խնդրել։ Ասել են, որ  որոշում է  կայացվել այդ թվում այդ քաղաքացու անվտանգությունն ապահովելու նկատառումով, որովհետև նրա պահվածքը մարդկանց շրջանում որոշակի ագրեսիվություն կարող էր  առաջացնել և դրա համար այդ որոշումը կայացվել է»,- կառավարության նիստից հետո ճեպազրույցում ասաց Նիկոլ Փաշինյանը։

Հիշեցնենք, որ  Հայկ Դորունցը կեղծ պատարագի ժամանակ գոռացել էր՝ «կարգալույծ քահանան իրավունք չունի պատարագ անել»։ Դրանից հետո անվտանգության աշխատակիցը ձեռքով փակել էր նրան բերանն ու դուրս հանել եկեղեցուց։
Աղբյուրը` Panorama.am