նիկոլ Փաշինյանն առանց վարչական ռեսուրսի ոչինչ է.
Քաղաքագետ Բենիամին Մաթևոսյանը նկատում է. «Նիկոլ Փաշինյանն առանց վարչական ռեսուրսի ոչինչ է, ու այն, ինչ այս րոպեներին տեղի է ունենում Հովհաննավանքում, դրա վառ ապացույցն է։
Արծրուն Հովհաննիսյանը, խորհրդարանի պատգամավորները, նախարարները (այդ թվում նաև ֆիկտիվ ՀՀԿ-ականը), Հայաստանի այլ մարզերի ղեկավարները, համայնքների ղեկավարները, Փաշինյանի՝ փողով աշխատող կողմնակիցները, քաղաքացիական հագուստով ոստիկանները, սրանք են այն «հավատացյալները», որոնցով Փաշինյանն այսօր գնացել է Հովհաննավանք՝ պղծելու այդ եկեղեցին։
Իհարկե, զարմանալու տեղիք չկա։ Մարդը, որը մեր Գանձասարը, Դադիվանքը, Ամարասը հանձնեց Ադրբեջանին, կարող է հեշտությամբ սպղծել տաճար նաև Հայաստանի ներսում։ Բայց կարևորն այն է, որ առանց վարչական ռեսուրսի Փաշինյանը ոչինչ է և ոչ ոք։ 2018 թվականին, եթե նա ցանկանար Ստեփան Ասատրյանին դարձնել կաթողիկոս, ապա մարդիկ նրան ձեռքերի վրա կտանեին Էջմիածին, բայց հիմա ոչ ոք, բացի նրանցից, ում Փաշինյանը աշխատավարձ է վճարում Հայաստանի բյուջեից, չի աջակցում այն, ինչ անում է Ալիևի գործընկերը Հայաստանում»։
Հետևեք մեզ Facebook-ում