Սամվել Կարապետյանը պատրաստ է ստանձնել «Մեր ձևով» կուսակցության ղեկավարի պաշտոնը
«Սամվել Կարապետյանը փոխանցեց իր որոշումն այն մասին, որ «Մեր ձևով» ժողովրդական շարժման՝ առաջիկայում կուսակցություն դառնալու պահից պատրաստ է ստանձնել կուսակցության նախագահի պաշտոնը»,- Շարժման հրավիրած հանրահավաք-երթի վերջում հայտարարեց Փաստաբան, բարերար Սամվել Կարապետյանի պաշտպանական խմբի անդամ Արամ Վարդևանյանը։
«Հուլիսի 4-ին մենք հավաքվեցինք այստեղ, և ես ձեզ փոխանցեցի Սամվել Կարապետյանի ուղերձը, որ ինքը որոշել է քաղաքական հայտ ներկայացնել։ Այսօր փոխանցեց իր որոշումը, որ պատրաստ է առաջիկայում ստանձնել կուսակցության նախագահի պաշտոնը»,- ասաց Արամ Վարդևանյանը և հավելեց․ «Սամվել Կարապետյանը խոսում է այն ծրագրերից, որոնք պատկերացնում է մեր երկրի համար։ Սամվել Կարապետյանն այս ժամանակահատվածում արդեն մի քանի այնպիսի ծրագրեր է մշակել, որոնք մեր երկիրը դարձնելու են ամենաերջանիկ երկրներից մեկը, ու հայերի համար ամենալավ երկիրը»։
Հետևեք մեզ Facebook-ում