Միացի՛ր, որ փոխենք․ «Մայր Հայաստանը» Վաղարշապատի ընտրություններին ներկայանում է հստակ ասելիքով (տեսանյութ)

«Մայր Հայաստան» կուսակցության ցուցակը Վաղարշապատի ավագանու ընտրություններում գլխավորելու է Գրիշա Հարությունյանը։ Նա ունի համայնքի կառավարման փորձ։ Ներկայումս մասնավոր բիզնեսների սեփականատեր է։ Մենք շատ լավ թիմով ենք ներկայանում ընտրողներին ու հստակ ասելիքով։ Քաղաքական մասով մեր դիրքորոշումն է՝ ՔՊ–ի իշխանազրկում և նոր իշխանության ձևավորում՝ ի դեմս «Մայր Հայաստանի»։ Ծրագրերի մասով մեր թիվ մեկ խնդիրն Էջմիածինը տուրիստական հզոր կենտրոն դարձնելն է, որի բոլոր նախադրյալները կան՝

–Մայր Տաճար և Աթոռանիստ քաղաք,

–մշակութային հզոր ժառանգություն,

–ՀՀ մայրաքաղաքին մոտ լինելը,

–«Զվարթնոց» օդանավակայանին մոտ լինելը,

–բնակլիմայական բարենպաստ պայմանները։

Էջմիածինը համայն հայության հոգևոր մայրաքաղաքն է, և այդ կարգավիճակին համապատասխանող քաղաքային զարգացման ծրագիր պետք է ունենա։ Էջմիածինն իր տուրիստական գրավչությամբ չպետք է զիջի, օրինակ, հարևան Վրաստանի Մսխեթիային, որտեղ տարեկան հսկայական քանակի մարդկային հոսք կա և տեղական բյուջեն միլիոնավոր դոլարների մուտքեր է ունենում։ Ասելիք շատ կա։ Կհասցնենք դրանք ներկայացնել վաղարշապատցիներին։ Կհանդիպենք։

«Մայր Հայաստան» կուսակցության նախագահ Անդրանիկ Թևանյանի ֆեյսբուքյան էջից