ՔՊ-ն դատարանում պարտվելուց հետո անցավ զրպարտանքի
Հարգելի' հայրենակիցներ, ինչպես գիտեք Տիգրան Ավինյանի հայրը 2024 թվականի դեկտեմբերին վիրավորել էր «Օպելի» վարորդներին՝ անվանելով նրանց «գեղի օպելներով համբալներ»։
Ես այդ արտահայտության համար ընդդեմ Երևանի քաղաքապետի լիազորություններն ապօրինաբար ստանձնած Տիգրան Ավինյանի հոր հայցադիմում էի ներկայացրել դատարան՝ պահանջելով վերջինիս պատասխանատվության ենթարկել։ Դատարանն իմ հայցադիմումը բավարարել էր` պարտավորեցնելով Տիգրան Ավինյանի հորը վճարել 250.000 դրամ, որը մենք ուղղելու ենք բարեգործության։ Տիգրան Ավինյանի հայրը բողոքարկել է առաջին ատյանի դատարանի որոշումը։
Այդ պարտությունից հետո սկսել են ՔՊ-ական խոսափող հանդիսացող լրատվամիջոցով իմ դեմ ինչ-որ կեղծ տեղեկություններ տարածել և փորձել վարկաբեկել ինձ, իմ ընտանիքին։ Սա փաստում է այսօրվա իշխանությունների ճղճիմ գործելաոճը: Երբ տեսնում են, որ «Մայր Հայաստանի» դեմ չեն կարողանում, անցնում են զրպարտանքի:
Խաբում են, թե, իբր, ես ինչ-որ փաստաթղթերի կեղծման շնորհիվ ինչ-որ օգնություն եմ ստացել, որը չի համապատասխանում իրականությանը։ Արցախից տեղահանված իմ բարեկամներին տրված օգնությունները եղել են օրենքին համապատասխան և մի քանի անգամ ստուգվել են պետական մարմինների կողմից։
Իրենք Արցախը հանձնել են, արցախցիներին դարձրել են փախստական ու հիմա խոսում են օգնություններից: Ինչպես ասում են՝ ձյուն գա ձեր գլխին:
Երևանի ավագանու «Մայր Հայաստան» խմբակցության անդամ Գրիգոր Իսկանդարյանի ֆեյսբուքյան էջից
Հետևեք մեզ Facebook-ում