Մոլդովայում Սանդուի իշխանությունը պահպանում է փխրուն մեծամասնությունը. Ի՞նչ քայլերի կդիմի ընդդիմությունը

Վերջին տվյալների համաձայն՝ Մոլդովայի  իշխող ուժը ստանում է ձայների  49% -ը։ Ընդիմությունը՝ մոտ 45 տոկոսը:

Հիշեցնենք, որ ընտրությունների արդյունքում խորհրդարան են անցել հինգ քաղաքական ուժ, դրանք են.

-Իշխանամետ, նախագահ Սանդուի կողմից գլխավորած «Գործողության և համերաշխության կուսակցությունը» (PAS, հավաքել է ձայների մոտ 49 %)

-Գլխավոր ընդդիմադիր «Հայրենասիրական ընտրական դաշինքը» (BEP, հավաքել է ձայների մոտ 24.5 %-ը)

-Ընդդիմադիր  «Այլընտրանքային միավորը» (BA, հավաքել է ձայների մոտ 8 տոկոսը)

-Հայտնի գործարար Ուսատիի «Մեր կուսակցությունը» ( հավաքել է ձայների մոտ 6%)

-Ընդդիմադիր՝«Ժողովրդավարություն տանը» կուսակցությունը (DA, հավաքել է ձայների  մոտ 5.5%:

Նշենք, որ թեև ընդիմության շարքում տարբեր ուժեր, տարբեր կողմնորոշումներ ունեն, նրանք բոլորը հայտարարել են, որ կոալիցիա չեն կազմի Սանդուի իշխանության հետ:

Սանդուն չի կարող կազմել այդ դաշինքը ընդդիմադիր որև է ուժի հետ, ոչ թե գաղափարական և աշխարհաքաղաքական կողմնորոշման, այլ՝ երկրի ներքին կյանքում իշխանության կազմավորման պատճառներով:

Եթե գլխավոր ընդդիմադիր ուժը՝ «Հայրենասիրական ընտրական դաշինքը», համարվում է ռուսամետ, ապա «Այլընտրանքային միավորը» եվրոպամետ ուժ է համարվում, որը նույնպես մերժում է Սանդուի իշխանության հետ համագործակցությունը:

Անցած նախագահական ընտրություններում, հենց այդ ուժի թեկնածուն էր Սանդուի գլխավոր ընդդիմախոսը: Հիշեցնենք, որ այն ժամանակ Սանդուն հաղթանակ տարավ բացառապես մոլդովական Սփյուռքի ձայների հաշվին:

Ինչ վերաբերվում է գործարար Ուսատիի ուժին, ապա նրանք վաղուց են պայքարում Սանդուի ռեժիմի դեմ և չեն պատկերացնում նրանց հետ դաշինք:

Ինչ վերաբերվում է նոր ծնված քաղաքական ուժին՝ «Ժողովրդավարություն տանը», ապա նրանք համարվում են Ռումինիայի գլխավոր ընդդիմադիր  քաղաքական միավորման մոլդովական ֆիլիալ, որը պայքարում է, թե՛ ներկայիս Ռումինիայի, և թե՛ Մոլդովայի իշխանության դեմ:

Նշենք, նաև, որ թեև վերջինս կողմնակից է, որ Մոլդովան վերամիավորվի Ռումինիայի հետ և դառնա ԵՄ անդամ, արմատապես քննադատության է ենթարկում Սանդուի ռեժիմին, վերջինիս հակառուսական ուղուն:

Այսպիսով կարող ենք արձանագրել, որ Սանդուի իշխանությանը անհրաժեշտ էր, որ «Գործողության և համերաշխության կուսակցությունը» (PAS-ը) ստանար 50% և ավել: Հակառակ դեպքում՝ Սանդուի կողմից ղեկավարած ուժը, կարող էր կորցնել իշխանությունը:

Եվ ահա, կրկին մոլդովական Սփյուռքի ձայների շնորհիվ, Սանդուին կրկին հաջողվում է ստանալ 50 տոկոսից ավել տեղ խորհրդարանում:

Այն, որ իշխանությունները գնացել են աննախադեպ կեղծումներին, գրեթե ոչ ոք չի կասկածում:

Բերենք ընդամենը մի քանի օրինակ: Ռուսաստանում ապրում է մոտ 300 հազար մոլդովացի, որտեղ բացվել էին ընդամենը 2 ընտրատեղամաս՝ Մոսկվայում:

Մինչդեռ ԵՄ երկրներում ապրում է նույնքան մոլդովացի, որտեղ բացվել էին մոտ 280 ընտրատեղամաս:

Նույնիսկ այս հարաբերակցությունը արձանագրելը, բավարար է՝ հասկանալու համար, թե ինչ որակի են եղել անցած ընտրությունները:

Ընդ որում,  Ռուսաստանի ընտրատեղամասերում, ընդդիմությունը հավաքել է ձայների ավելի քան 67%-ը, իսկ եվրոպական երկրներում բացված տեղամասերում՝ Սանդուի քաղաքական ուժը ստացել է  ձայների, ավելի քան 75%-ը:

Պատկերացնենք, որ մոլդովացիները, իրենց երկրից փախչում են Եվրոպա լավ ապրուստի համար և, միաժամանակ, ինքնամոռաց գալիս են ընտրատեղամասեր, որպեսզի քվեարկեն այն ուժի օգտին, որի կառավարման ժամանակ, հեռացել են երկրից, կամ առնվազն նախկինում հեռանալուց հետո, Հայրենիք չեն վերադարձել:

Հարց է առաջանում, եթե նրանք ինքնամոռաց սիրահարված էին Սանդուի ռեժիմին, ապա ինչու չեն վերադառնոըւմ Հայրենիք:

Սրանք այն հարցերն են, որոնց պատասխանը չունի ներկայիս Մոլդովայի իշխանությունը:

Պարզ է մեկ բան, որ նման «վարկանիշով», Սանդուի ռեժիմը չի կարողանալու երկիր կառավարել, իսկ այդ երկիրը էլ ավելի ծանր վիճակի մեջ է հայտնվելու:

Իսկ եթե դրան ավելացնենք, հնարավոր աշխարհաքաղաքական ռիսկերը, ապա չի բացառվում, որ մոտ ժամանակներս Մոլդովան նույնպես հայտնվի պատերազմական քրոնիկոնում:

Սա է իրականությունը:

Արտակ Հակոբյան
Zham.am