«Ինչո՞ւ է Ադրբեջանը ավելացնում ռազմական ծախսերը»․ Տաթևիկ Հայրապետյան

Ադրբեջանագետ Տաթևիկ Հայրապետյանի թելեգրամյան գրառումը․

«Ըստ Ադրբեջանից ստացված պաշտոնական տվյալների՝ «2026 թվականի պաշտպանության և անվտանգության բյուջեն 2025-ի համեմատ ավելացել է 318 միլիոն մանաթով ($187 միլիոն)։

Այսպիսով, բյուջեում պաշտպանության և ազգային անվտանգության ծախսերի կշիռը կկազմի 21%»։ Դեռ 2024 թվականին ֆինանսների նախկին նախարար Սամիր Շարիֆովը իրենց Միլլի Մեջլիսում հայտարարել էր, որ Ադրբեջանի ռազմական ծախսերն ավելացվում են նախագահ Իլհամ Ալիևի հրամանով։

«Հաջորդ տարվա (2025 թ.) բյուջեի ծախսերի 20.3 տոկոսը նախատեսված է պաշտպանության և անվտանգության ոլորտներին, քանի որ առկա է հայկական ռազմականացման ռիսկ», — ասել էր Շարիֆովը 2024-ին։ Այդ տարի պաշտպանության և անվտանգության բյուջեն ավելացվել էր 1.738 միլիարդ մանաթով ($1 միլիարդ)։ Իսկ թե 2026-ին ինչու են նման ավելացում անում, թողնում եմ մեզանից յուրաքանչյուրի մեկնաբանությանը․․․»։

Նշենք, որ այսօր Կառավարությունը հաստատեց 2026 թվականի պետական բյուջեն։ Պաշտպանության ոլորտին նախատեսվում է ուղղել 560 մլրդ դրամ։ Այն 2025-ի 660,9 մլրդ դրամ համեմատ նվազում է 100 մլրդ դրամով։ Այս տարբերությունը Նիկոլ Փաշինյանը օրեր առաջ էր ԱԺ-ում բացատրել՝ նշելով, որ 2025-ին 2024-ի համեմատ պաշտպանական ծախսերի շատ էական, կտրուկ աճ էր եղել, որը պայմանավորված է եղել որոշակի հրատապ կարքներով: Իրականացվել են պաշտպանական ծախսեր և այդ ծախսերի մի մասը ուղղվել են ապագա պատքերի, պարտավորությունների մարմանը, այդ թվում՝ պաշտպանության ոլորտում:

Փաշինյանի խոսքով միջնաժամկետ ծախսերի ծրագրով 2026-ի պաշտպանական ծախսերը ունեն բնականոն աճ 2024-ի նկատմամբ։