Փաշինյանի արյունալի ժողբաստիոնի առօրյան

Ժողովրդավարության մասին ճոռոմ խոսացողների ինչ-որ բազարում, իշխանաՊաշտպան «ժողովրդավարաների» բուռն ծափերի ներքո Նիկոլը գովերգում է Հայաստանում իբր հաստատված ժողովրդավարական կարգերը։

Դրանից մի քանի ժամ անց, իր տան մոտ գնդակահարվում է Փարաքարի համայնքապետ Վոլոդյա Գրիգորյանն ու մի ոստիկան։ Վոլոդյա Գրիգորյանը մի քանի ամիս առաջ Փարաքարում հաղթել էր ՔՊ-ական թեկնածուին։

Իրավապահ համակարգը մատնված է անգործության ու ըստ էության լուծում է միայն Նիկոլի իշխանության պահպանման խնդիրը՝ գրեթե ամեն գնով։

Իսկ մի քանի ժամից էլ ամենայն հավանականությամբ կլսենք, թե ինչպես նիկոլական ժողբաստիոնում, քաղաքական պատվերի շրջանակներում, շինծու գործով նիկոլական դատարանը մեղադրական դատավճիռ կկարդա Շիրակի թեմի առաջնորդ Միքայել Աջապահյանի նկատմամբ։

Երկիրը խորասուզվել է ամենաթողության, սպանությունների, արյունալի «ռազբորկաների», փողոցներում հնչող կրակահերթերի, քաղաքական հետապնդումների խավարի մեջ։

«Մայր Հայաստան» կուսակցության վարչության անդամ Դերենիկ Մալխասյանի ֆեյսբուքյան էջից