Գիշերը սպանվել է ՔՊ-ին հաղթած Փարաքարի համայնքապետ Վալոդյա Գրիգորյանը

Գիշերը հրազենից արձակված կրակոցներով սպանվել է Փարաքարի համայնքապետ Վոլոդյա Գրիգորյանը: 
Ըստ պաշտոնական վարկածի՝ սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։ Այս մասին տեղեկացրել է ՆԳՆ ոստիկանությունը:
Նախնական տվյալներով կա 2 զոհ, 1 վիրավոր։
Սպանվածներից մեկը համայնքի ղեկավար Վալոդյա Գրիգորյանն է։
Կրակոցների հետևանքով սպանված երկրորդ անձը, ըստ շրջանառվող լուրերի, ոստիկան է՝ ՆԳՆ ոստիկանության Արարատի քրեական ոստիկանության աշխատակից Կարեն Աբրահամյանը։ 
--
Շատ հնարավոր է, որ սա քաղաքական սպանություն է, այն առումով, որ Վոլոդյա Գրիգորյանին չներվեց ՔՊ-ի թեկնածուի նկատմամբ անվիճելի հաղթանակը՝ այս տարվա մարտին Փաշաքար խոշորացված համայնքի ՏԻՄ ընտրություններում: 
Վոլոդյա Գրիգորյանը համայնքապետի պաշտոնն ստանձնել էր այս տարվա ապրիլին:
Ի դեպ, հենց երեկ Փաշինյանը մեծ-մեծ խոսում էր այն մասին, թե իր իշխանությունը որքա՜ն հանդուրժողական ու դեմոկրատական է, որ թույլ է տալիս, որ ՏԻՄ ընտրություններում ընդդիմադիրներ հաղթեն... 
Ահա փաշինյանական իշխանության հանդուրժողականությունը. կրակոցներ, երկու զոհ, 1 վիրավոր...
--
Վալոդյա Գրիգորյանը ծնվել է 1983թ նոյեմբերի 16-ին Արմավիրի մարզի Մերձավան համայնքում:

1991-2001 թթ. հաճախել է Մերձավան համայնքի միջնակարգ դպրոցը:

2001-2005 թթ. սովորել է ՀՀ Ֆիզիկական կուլտուրայի հայկական պետական ինստիտուտում՝ «Ֆիզկուլտուրան և սպորտը» մասնագիտությամբ, ստացել է «ֆիզիկական կուլտուրայի և սպորտի մանկավարժի, կարատեդոյի մարզչի» որակավորում:

2016-2018թթ. ստացել է Կառավարման  մագիստրոսի աստիճան՝ Կառավարում մասնագիտությամբ:

2022թ.-ին  ավարտել է «Մատենա» միջազգային դպրոցի «ՀՀ համայնքների արդյունավետ կառավարում» համայնքային պաշտոնյաների մասնագիտական զարգացման ծրագիրը։

2004թ. աշխատել է Մերձավանի «Կրթություն և մշակույթ» միացյալ տնօրինությունում որպես սպորտ հրահանգիչ:

2005-2007թթ. աշխատել է Մերձավանի գյուղապետարանում:

2007-2011թթ. աշխատել է Մերձավանի գյուղական համայնքի ղեկավարի աշխատակազմի առաջատար մասնագետի համայնքային ծառայողի պաշտոնում։ Շնորհվել է համայնքային ծառայության 1-ին դասի կրտսեր ծառայողի դասային աստիճան:

2011-2016 թթ․ զբաղվել է անհատ ձեռնարկատիրական գործունեությամբ:

2016թ-2021թ.եղել է «Վալոդյա Գրիգորյան» ՍՊԸ հիմնադիր տնօրենը:

2021թ․-ից «Ապրելու Երկիր» կուսակցության անդամ է։   

2021թ․ դեկտեմբերից Փարաքար համայնքի ավագանու անդամ է և Փարաքար համայնքի «Ապրելու Երկիր» խմբակցության ղեկավար։

2023թ․ ապրիլի 22-ին ընտրվել է «Ապրելու երկիր» կուսակցության քաղաքական խորհրդի անդամ:

Ամուսնացած էր, չորս զավակի հայր: