Այլևս մի զարմացեք. Հակոբ Բադալյան

Հակոբ Բադալյանը գրում է. «Դարձյալ, այս անգամ էլ զարմանք է հարուցել այն, որ սեպտեմբերի 21-ին Անկախության տոնի առիթով չի եղել բարձրաստիճան պաշտոնյաների այց Եռաբլուր զինվորական պանթեոն, ինչը ըստ էության մշտապես եղել է Հայաստանի տոնական արարողակարգի կարեւոր բաղադրիչներից մեկը:

Բայց, առնվազն նրանք, ովքեր լսել են կամ կարդացել օգոստոսի 18-ին Նիկոլ Փաշինյանի ուղերձը ժողովրդին, պետք է բոլորովին չզարմանան, եթե Հայաստանն այլեւս պետական որեւէ ուշադրություն չդարձնի բոլոր այն պարագաներում, երբ խոսքը վերաբերում է Հայաստանի ու Արցախի համար իրենց կյանքը նվիրաբերած մարդկանց հիշատակին: «Մեր նահատակներին խնկարկելու եւ սրբացնելու, նրանց հիշատակի հետ հարաբերվելու մեր ձեւն անգամ պիտի կաթիլ–կաթիլ, միլիմետր առ միլիմետր փոխվի»: Ահա, հատվածը Նիկոլ Փաշինյանի օգոստոսի 18-ի ուղերձից: Նա ասել է շատ պարզ ու բաց, որ այլեւս չի «հիշատակելու» կամ «խնկարկելու» այնպես, ինչպես մինչեւ օգոստոսի 8-ը:

Որովհետեւ օգոստոսի 8-ը «ձեռք է բերվել» շատ կոնկրետ պարտավորությունների դիմաց, որոնք վերաբերում են նաեւ այս հարցերին»: