«Մայր Հայաստանը»՝ հանուն Գյումրու զարգացման
Գյումրու ավագանու այսօրվա նիստում ընդունվեց այն ուղերձի նախագիծը, որը ներկայացրել էր «Մայր Հայաստանը» և որին, օրենքով սահմանված կարգով, իր ստորագրությամբ միացել էր ավելի քան 7 հազար գյումրեցի: Այսինքն՝ գյումրեցիները մեզ հետ դարձան նախագծի համահեղինակ, ինչն աննախադեպ էր Գյումրու պատմության մեջ:
Նախագծով առաջարկվում է Գյումրիում ստեղծել ազատ տնտեսական գոտի և հարկային ռեժիմի առումով Գյումրուն տալ «ազատ քաղաքի» կարգավիճակ:
Գյումրու մեր թիմը շատ լավ աշխատեց ամիսներ առաջ՝ տնետուն և այլ տարբերակներով հազարավոր գյումրեցիներին ներկայացնելով մեր ծրագրերն ու ստանալով նրանց աջակցությունը:
Ուղերձն ընդունված է: Մենք հետևողական ենք լինելու այս հարցում: Գյումրին պետք է ձերբազատվի «աղետի գոտու» պիտակից ու դառնա զարգացման գոտի:
«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից
Հետևեք մեզ Facebook-ում