Զինծառայության ժամկետը մեկուկես տարի դարձնելը ՔՊ-ին շատ քվեներ չի բերելու

Լրագրող Ոսկան Սարգսյանը նկատում է. «Կառավարությունը քննարկման է դրել պարտադիր զինվորական ծառայության ժամկետը մեկուկես տարի դարձնելու նախագիծը։ Ոմանք կարծում են, որ դա նախաընտրական քայլ է , որն առաջիկա խորհրդարանական ընտրություներում շատ քվեներ կբերի ՔՊ կուսակցությանը։ Շատ քվեների պահով համամիտ չեմ։ Փայտը 2 ծայր ունի, ոնց պտտում ես, մի ծայրը գլխիդ է դիպչում։ Նիկոլ Փաշինյանի իշխանության վարկանիշը չի բարձրանալու, որքան էլ նման ակցիաներ անեն։ Դրա նման է այն բանին, որ շատ ծանր հիվանդին ինչ-որ վիտամիններ կամ դոպինգ տան, որպեսզի առողջանա։ Հայաստանի հանրության մեջ շատ-շատերը հասկանում են, որ իշխանության կողմից ռազմական ծախսերը նվազեցնելը,և պարտադիր զինծառայության ժամկետը կրճատելը ոչ թե հետևանք են այն բանի ,որ կայուն, հարատև խաղաղություն է հաստատվել, Հայաստանի անվտանգության համար այլևս սպառնալիքներ չկան, այլ նրա, որ Իլհամ Ալիևը Նիկոլ Փաշինյանից Հայաստանի ապառազմականացում է պահանջում ու ստանում;
Այն ծնողները, որոնց զավակները 2 տարի ժամկետային զինծառայություն են անցել․,դժգոհելու են, թե ինչու իրենց զավակները 2 , իսկ ուրիշներինը՝ մեկուկես տարի են ծառայելու»։