Ֆրանսիայում բողոքի ակցիայի մասնակիցների թիվը հասել է 175 հազարի

Ֆրանսիայում բողոքի ցույցերին մասնակցում է 175 հազար մարդ։Այդ թիվը հաղորդում է BFMTV հեռուստաալիքը՝ հղում անելով Ներքին գործերի նախարարությանը։

«Մասնակիցների թիվը ամբողջ երկրում կազմում է 175 հազար»,-նշվում է հոդվածում։

Անվտանգության ուժերը արդեն ձերբակալել են առնվազն 327 մարդու, որոնցից 199-ը՝ Փարիզում։

Չորեքշաբթի օրը Ֆրանսիայում տեղի են ունենում «Ամեն ինչ փակ է» կարգախոսով զանգվածային բողոքի ցույցեր։ Ընդհանուր առմամբ, ամբողջ երկրում սպասվում է ավելի քան 700 տարբեր ակցիա։ Ցուցարարների շարքում արդեն նկատվել են «դեղին բաճկոնների» բողոքի ցույցերի նախկին մասնակիցներ։ Այս ֆոնին կարգուկանոնը պահպանելու համար կներգրավվի 80,000 իրավապահ մարմիններ։

Բողոքի պատճառն այն է, որ հուլիսին Ֆրանսիայի արդեն նախկին վարչապետ Ֆրանսուա Բայրուն ներկայացրեց 2026 թվականի բյուջեի նախագիծը։ Իշխանությունները մտադիր էին բյուջետային մի քանի կետերի վրա խնայել 43,8 միլիարդ եվրո՝ նախկինում նախատեսված 40 միլիարդի փոխարեն։

Կառավարության ծրագրի համաձայն՝ կենսաթոշակներն ու սոցիալական նպաստները չեն ինդեքսավորվի, և ոչ մի գերատեսչության բյուջե չի աճի, բացառությամբ Պաշտպանության նախարարության, որը կստանա լրացուցիչ 3,5 միլիարդ եվրո՝ «աշխարհում անվտանգության իրավիճակի վատթարացման պատճառով»։
Աղբյուրը` Panorama.am