Ակնհայտ է քաղաքական միջամտությունը դատական պրոցեսներին․ Հովհաննես Խուդոյան
Այս փուլում դատավորի կողմից ձգձգում չեմ տեսնում, երևի արդեն հաջորդ գործողություններից։ Իրականում բարդ է բավականին 18 մասնակիցներով արդյունավետ դատական պրոցես կազմակերպել, բայց այդ բարդությունը պայմանավորված է բացառապես նրանով, որ մարդիկ որոշել են ապօրինի հետապնդել, քաղաքական հետապնդման ենթարկել անձանց։ Չլիներ էդ ապօրինի որոշումը, չէին լինի դատավարական բարդությունները»,- 18 արդարների դատական նիստից հետո ասաց փաստաբան Հովհաննես Խուդոյանը։
Փաստաբանն ընդգծեց, որ այլ պարագաներում գուցե դժվարություն առաջանար՝ հիմնավորելու քաղաքական հետապնդման առկայությունը,սակայն այս դեպքում անելիք չունեն, քանի որ ակնհայտ է քաղաքական միջամտությունը դատական պրոցեսներին։
«Իրենք արդեն չեն էլ փորձում դա թաքցնել, ընդամենը փորձում են եղած քրեադատավարական գործիքակազմով և վիրավորանքներով, զրպարտություններով, ուժի ցուցադրություն կատարել, որն ակնհայտ իրենց մոտ չի ստացվում»,- նշեց փաստաբանը։
Խուդոյանը նաև տեղեկացրեց, որ Բագրատ Սրբազանի տրամադրությունը նորմալ է, ուղերձներն էլ փոխանցում է առանձին հայտարարությունների տեսքով։
Աղբյուրը` Panorama.am
Հետևեք մեզ Facebook-ում