Հակակառավարական ցույցերի արդյունքում Նեպալի վարչապետը հրաժարական է տվել

Կարելի է հայրենիքը նվիրել թշնամուն, անմեղսունակ ժպիտով հայտարարել, թե՝ այն մերը չի եղել, թե փոխարենը խաղաղություն ես բերել ու... շարունակել պաշտոնավարել: Դա Հայաստանում: 
Իսկ այ, Նեպալում ընդամենը արգելեցին «Ֆեյսբուքն» ու «Յութուբը» և նեպալցիները ապստամբեցին, գրավեցին կառավարության շենքն ու վառեցին, գրավեցին խոհրդարանի շենքն ու վառեցին, կաավարությունը մի կերպ ուղղաթիռներով էվակուացվեց, իսկ այդ երկրի վարչապետն էլ հրաժարական տվեց: Չկան էլի, Նիկոլ Փաշինյանի չափ, որ տանեն 5000 երիտասարդի կոտորածի մատնեն, հետո գան, դերասանություն անեն, թե՝ «խոնարհվում եմ», այս, այն... ու առոք-փառոք վայելեն կյանքի բարիքները, մսխեն հարկատուների միջոցները...
Մի խոսքով՝ Նեպալի վարչապետ Քհադգա Պրասադ Շարմա Օլին հրաժարական է տվել երկրում երկու օր շարունակվող բազմահազարանոց ցույցերի ֆոնին։ Այս մասին հաղորդում է Reuters գործակալությունը՝ վկայակոչելով վարչապետի օգնականին։

Ցույցերը շարունակվում էին՝ չնայած այն բանին, որ կառավարությունը հայտարարել էր սոցիալական մեդիայի հարթակների արգելքը չեղարկելու մասին։ Ցուցարարները պահանջում են վարչապետի և կառավարության հրաժարականը բողոքի ակցիաների ընթացքում շուրջ 20 մարդու զոհվելուց և 250 մարդու վիրավորվելուց հետո։

India Today պարբերականի փոխանցմամբ՝ ցուցարարներն այրել են նախագահի և վարչապետի նստավայրերը, գրոհել Գերագույն դատարանի շենքի վրա։

Կատմանդուի օդանավակայանը փակվել է։

Իշխանությունները նախարարներին և բարձրաստիճան պաշտոնյաներին ուղղաթիռներով տարհանել են դեպի օդանավակայան, որտեղ տեղակայվել են զինվորականներ։ Սակայն ցուցարարները հրավառությունների, անօդաչուների և լազերային լույսերի միջոցով փորձել են թույլ չտալ, որ պաշտոնյաներին տեղափոխող ինքնաթիռները երկինք բարձրանան։

Ըստ տարբեր հրապարակումների՝ Նեպալի բանակի գլխավոր հրամանատարն ավելի վաղ վարչապետին կոչ է արել հրաժարական տալ՝ նշելով, որ բանակը վերահսկողության տակ կվերցնի իրավիճակը։