CNN -ի սենսացիոն ռեպորտաժը. ԱՄՆ-ն պատրաստ է հարվածելու թուրքական զինուժին. Տեսանյութ

Ինչպես հայտնի է, երեկ ամերիկացիները հարվածել էին Ասադի բանակին, որի արդյունքում պանվել էին սիրիացի ավելի քան 100 զինծառայողներ: 

Ամերիկյան փորձագետները չէին էլ թաքցնում, որ ամերիկյան հարվածը սիրիական բանակին փաստացի դիվանագիտական մեսիջ էր՝ ուղղված Թուրքիային: Ավելին, Պենտագոնի ներկայացուցիչը գրեթե բացահայտ հայտարարեց, որ եթե թ

ուրքական զինուժը Աֆրինից հետո տեղաշարժվի դեպի Մանբիչ, ապա կստանա ուժգին հակահարված՝ ամերիկյան զինուժի կողմից:

Եվ ահա CNN -ը ռեպորտաժ է ներկայացնւմ, որտեղ ամերիկյան զինվորականը սպառնում է Թուրքիային:

Նշենք նաև, որ օրերս Էրդողանը հայտարարեց, որ Թուրքիան միայն Աֆրինով չի սահմանափակվելու, և թուրքական զինվորականները հասնելու են Մանբիչ, ինչը խիստ զայրացրել է ամերիկացիներին:

Փորձագետների կարծիքով եթե ամերիկա - թուրքական բախումը իրականություն դառնա, ապա այն լրջագույն ճգնաժամ կառաջացնի ՆԱՏՕ- ում, քանզի հայտնի է, որ թուրքական բանակը հզորագույններից է համարվում այս կազմակերպությունում: Մյուս կողմից, Միացյալ Նահանգները մտադիր է հավերժացնել իր ռազմական ներկայությունը Սիրիայում, իսկ դրա միակ լեգիտիմ հիմքը՝ Իրաքի օրինակով Սիրիայի տարածքում նոր քրդական ինքնավարության ստեղծումն է, որն իր հերթին սպառնալիք է դառնում Թուրքիայի անվտանգության համար: 

Թե ինչպիսին կլինեն հետագա զարգացումները, պարզ կլինի մոտ օրերս:

Հակոբ Կարապետյան 

Տեսանյութը՝ հղումով.