Լկտի թալան՝ բաց երկնքի տակ․ ինչո՞ւ է Նիկոլն ատամներով պաշտպանում ՀՖՖ ղեկավարին

«Մայր Հայաստան» շարժման առաջնորդ Անդրանիկ Թևանյանը նշում է. «Այսօր տեղի կունենա Հայաստանի ու Պորտուգալիայի ֆուտբոլի ազգային հավաքականների հանդիպումը, որն արդեն պատմական ու աննախադեպ է դարձել։

Հայաստանի ֆուտբոլի ֆեդերացիան հեքիաթներ է պատմում այս թեմայով, բայց ակնհայտ է, որ տեղի է ունեցել ֆինանսական մեքենայություն, ինչն աննախադեպ է Հայաստանի ֆուտբոլային պատմության մեջ։

Հայկական ֆուտբոլը խայտառակ վիճակում է, բայց Նիկոլ Փաշինյանն ատամներով պահում է ֆեդերացիայի ղեկավարությանը, քանզի այն դեռ անհիշելի ժամանակներից Արցախը հանձնելու և ադրբեջանցիներին մերձենալու գաղափարն էր քարոզում։ Իսկ դա Նիկոլի համար վեր է ամեն ինչից։

Ֆուտբոլի ֆեդերացիայի ղեկավար նշանակված այդ տղան մինչև հայկական ֆուտբոլի հերն անիծելը ադրբեջանամետ կայք էր խմբագրում։ Այնպես որ Նիկոլի ու նրա միջև քիրվայական քիմիա կա, ինչն էլ թալանի իրավունք է ապահովում վերջինիս համար։

Ինչ վերաբերում է բուն խաղին, ապա հաջողություն մաղթենք մեր տղաներին։ Նրանք շատ ծանր պայմաններում են հայտնվել․ պաշտպանում են ՀՀ դրոշի պատիվն այն դեպքում, երբ մեր երկրի ղեկավարի աթոռին հայտնվածն ու ֆուտբոլային ղեկավարությունն ուղն ու ծուծով հակապետական են ու ՀՀ դրոշը գցել են Թուրքիայի ու Ադրբեջանի ոտքերի տակ»։