ՌԴ-ի և Հայաստանի միջև առևտուրը մինչև տերեվերջ կրկնակի անկում կապրի․ Օվերչուկ

Օվերչուկն ահազանգում է։ Ռուսաստանի և Հայաստանի միջև փոխադարձ առևտուրն այս տարի արդեն զգալի կրճատվել է և 2025 թվականի արդյունքներով կարող է կազմել 6 մլրդ դոլարից մի փոքր ավելի, ինչը կրկնակի քիչ է, քան 2024 թվականին։ Այս մասին հայտնել է ՌԴ փոխվարչապետ Ալեքսեյ Օվերչուկը։

«Ինչ վերաբերում է Ռուսաստանի և Հայաստանի առևտրին, այն արդեն զգալի կրճատվել է, և ամենայն հավանականությամբ` մինչև տերեվերջ այն կրկնակի կընկնի նախորդ տարվա համեմատ։ Այսինքն, եթե նախորդ տարի 12.4 մլրդ էր, ապա այս տարի, հավանաբար, կլինի 6-ի շրջանում, գուցե մի փոքր ավելի»,-Արևելյան տնտեսական ֆորում–2025–ի շրջանակում լրագրողներին ասել է նա։

Հայաստանն այս տարվանից գործարկել է ԵՄ–ին երկրի անդամակցության մասին որոշում կայացնելու գործընթացը։ Ե՛վ ՌԴ–ի, և՛ Հայաստանի իշխանությունները, այդ որոշումը մեկնաբանելիս նշում էին, որ Հայաստանը միաժամանակ չի կարող լինել և՛ ԵՄ, և՛ ԵԱՏՄ անդամ, որի անդամ է այժմ Ռուսաստանի, Բելառուսի, Ղազախստանի և Ղրղզստանի հետ միասին։

Այս տարվա սկզբին Օվերչուկը մատնանշում էր ՌԴ–ի հետ տնտեսական հարաբերությունների վրա Հայաստանի որոշման բացասական ազդեցությունը։ Նրա խոսքով` ռուսական բիզնեսը դեռ 2024 թվականին սկսեց հայկական շուկայում աստիճանաբար կրճատել գործունեությունը։

Աղբյուրը՝ arm.sputniknews.ru