Ամերիկացիների ամենալուրջ նախազգուշացումը Էրդողանին

Ինչպես հայտնի է, երեկ ամերիկյան ռազմաօդային ուժերը ուժգին հարված են հասցրել Ասադի բանակին, որի արդյունքում սպանվել է ավելի քան 100 սիրիական բանակի զինծառայողներ: Սիրիան բողոքի նոտայով է դիմել ՄԱԿ, սակայն գլխավոր ինտրիգը դա չէ, այլ այն, որ ամերիկացիները հայտարարեցին, թե նրանց գլխավոր թիրախը Ասադը չէր: Պենտագոնի ներկայացուցիչ Ռայան Դիլլոնը գրեթե բացահայտ հայտարարել է, որ սա նախազգուշացում էր նախ և առաջ Թուրքիային «որպեսզի վերջինս գիտակցի , թե ինչ կլինի եթե հանկարծ թուրքերը որոշեն Աֆրինից հետո շարժվել դեպի քրդերի վերահսկողության տակ գտնվող Մանբիջ քաղաք: Ամերիկացիները չեն կատակում, և թուրքերը նույնպես կստանան համարժեք պատասխան»,- նշել է ամերիկացի գնդապետը: Ամերիկացիների հաշվարկը պարզ է, նրանք հուշում են թուրքերին, գնացեք դեպի Հալեպ և բախվեք ռուսների հետ, այդ դեպքում մենք ձեզ կաջակցենք: Ռուսներն էլ ճիշտ հակառակն են պնդում: «Թուրքեր, գնացեք դեպի Մինջաբ և մենք ձեզ կաջակցենք, իսկ եթե սխալվեք և գաք Հալեպ, ապա կստանաք համարժեք հարված»: Այսպիսով թուրքերը կամուկացի մեջ են հայտնվել, «ձախ գնան ամերիկացիների հետ կբախվեն, աջ գնան ռուսների հետ կբախվեն», և փաստորեն ստացվում է , որ միակ պրիզը, որ շահեց Երդողանը դա Աֆրինն էր: Այս քրդաբնակ քաղաքը զոհասեղանին հայտնվեց ռուս-ամերիկյան փոխ-սրիկայական հաշվարկների արդյունքում: Ինչպես որ անցած դարի 30-ական թվականներին նույն վիճակի մեջ հայտնվեցին չեխերը՝ մյունհենյան դավաճանական համաձայնագրի արդյունքում :

Հակոբ կարապետյան